Tecno Spark 40 series Launched: టెక్నో తన తాజా టెక్నో స్పార్క్ 40 సిరీస్‌ను ఎంపిక చేసిన ప్రపంచ మార్కెట్లలో విడుదల చేసింది. ఈ కొత్త సిరీస్‌లో టెక్నో స్పార్క్ 40, స్పార్క్ 40 ప్రో, స్పార్క్ 40 ప్రో + స్మార్ట్‌ఫోన్‌లు ఉన్నాయి. త్వరలో ఈ సిరీస్ భారత్కు ఎంట్రీ ఇచ్చే అవకాశం ఉంది. ప్రో+ వేరియంట్ విషయానికొస్తే..మీడియాటెక్ హెలియో G200 చిప్‌సెట్‌తో వచ్చిన ప్రపంచంలోనే మొట్టమొదటి స్మార్ట్‌ఫోన్ ఇదేనని కంపెనీ వెల్లడించింది. మరోవైపు.. మీడియాటెక్ హెలియో G100 అల్టిమేట్‌తో బేస్ మోడల్‌ను కంపెనీ విడుదల చేయగా, మీడియాటెక్ హెలియో G81 ప్రాసెసర్‌తో ప్రో వేరియంట్‌ను కంపెనీ విడుదల చేసింది. ఈ మూడు స్మార్ట్‌ఫోన్‌లు 50P ప్రైమరీ రియర్ కెమెరా, IP64 రేటింగ్‌తో అందుబాటులోకి వచ్చాయి. ఇప్పుడు టెక్నో స్పార్క్ 40, స్పార్క్ 40 ప్రో మరియు స్పార్క్ 40 ప్రో + స్మార్ట్‌ఫోన్‌లకు సంబంధించి ధర, ఫీచర్ల గురుంచి వివరంగా తెలుసుకునే ప్రయత్నం చేద్దాం.
టెక్నో స్పార్క్ 40 ధర, ఫీచర్లు
ఈ స్మార్ట్ ఫోన్ 4GB RAM+128 GB వేరియంట్ ధర 4,79,000 UGX (సుమారు రూ. 11,400)గా కంపెనీ పేర్కొంది. ఈ ఫోన్ ఇంక్ బ్లాక్, మిరాజ్ బ్లూ, వీల్ వైట్, టైటానియం గ్రే రంగులలో లభిస్తోంది. ఇక బేస్ టెక్నో స్పార్క్ 40 స్మార్ట్ ఫోన్ ఫీచర్లు చూస్తే..ఈ ఫోన్ 120 Hz రిఫ్రెష్ రేట్‌తో 6.67 అంగుళాల HD + (720 × 1,600 పిక్సెల్స్) స్క్రీన్‌ను కలిగి ఉంది. ఈ ఫోన్‌లో మీడియాటెక్ హీలియో G81 చిప్‌సెట్ అమర్చారు. ఈ స్మార్ట్ ఫోన్ లో 8GB వరకు RAM, 256GB వరకు అంతర్నిర్మిత నిల్వ ఉంది. ఇక కెమెరా గురించి మాట్లాడితే..హ్యాండ్‌సెట్‌లో 8-మెగాపిక్సెల్ సెల్ఫీ సెన్సార్, 50-మెగాపిక్సెల్ ప్రైమరీ రియర్ సెన్సార్ ఉన్నాయి. ఈ పరికరంలో ఫింగర్‌ప్రింట్ సెన్సార్ ఉంది. ఫోన్ కొలతలు 165.6x77x7.67mm. మిగతా అన్ని ఫీచర్లు టెక్నో స్పార్క్ ప్రో వేరియంట్ లాగానే ఉన్నాయి.
టెక్నో స్పార్క్ 40 ప్రో ధర, ఫీచర్లు
టెక్నో స్పార్క్ 40 ప్రో పరికరం 4GB RAM+128 GB స్టోరేజ్ వేరియంట్ ధర 679,000UGX (సుమారు రూ. 16,200)గా కంపెనీ నిర్ణయించింది. ఈ హ్యాండ్‌సెట్ ఇంక్ బ్లాక్, బాంబూ గ్రీన్, లేక్ బ్లూ, మూన్ టైటానియం రంగులలో వస్తుంది. టెక్నో స్పార్క్ 40 ప్రో స్మార్ట్‌ఫోన్‌కు మీడియాటెక్ హీలియో G100 అల్టిమేట్ చిప్‌సెట్ వస్తుంది. ఈ ఫోన్‌లో ఇన్-డిస్ప్లే ఫింగర్‌ప్రింట్ సెన్సార్ ఉంది. డిస్ప్లే, ఆపరేటింగ్ సిస్టమ్, కెమెరా, బ్యాటరీ, ఛార్జింగ్ వేగం, బిల్డ్, కనెక్టివిటీ స్మార్ట్‌ఫోన్‌లో ప్రో + వేరియంట్ మాదిరిగానే ఉంటాయి. పరికరం మందం 6.69mm.
టెక్నో స్పార్క్ 40 ప్రో+ ధర, ఫీచర్లు
టెక్నో స్పార్క్ 40 ప్రో+ మొబైల్ 8GB RAM+ 128 GB స్టోరేజ్ వేరియంట్ ధర ఉగాండాలో 7,69,000UGX (సుమారు రూ. 18,300)గా కంపెనీ పేర్కొంది. ఈ ఫోన్ ఇంక్ బ్లాక్, మిరాజ్ బ్లూ, వీల్ వైట్, టైటానియం గ్రే కలర్ ఆప్షన్‌లలో అందుబాటులోకి వచ్చింది. టెక్నో స్పార్క్ 40 ప్రో+ స్మార్ట్‌ఫోన్ 144 Hz రిఫ్రెష్ రేట్‌తో 6.8 అంగుళాల 1.5K (1,224×2,720 పిక్సెల్స్) 3D AMOLED డిస్‌ప్లేను కలిగి ఉంది. ఈ స్మార్ట్‌ఫోన్‌లో MediaTek Helio G200 చిప్‌సెట్ అమర్చారు. 8GBRAM, 256GB వరకు అంతర్నిర్మిత నిల్వ ఉన్నాయి. ఈ ఫోన్ Android 15 ఆధారిత HiOS తో వస్తుంది.
కెమెరా గురించి చెప్పాలంటే.. టెక్నో స్పార్క్ 40 ప్రో+ లో 50 మెగాపిక్సెల్ ప్రైమరీ రియర్ సెన్సార్, 13 మెగాపిక్సెల్ ఫ్రంట్ కెమెరా ఉన్నాయి. పరికరానికి శక్తినివ్వడానికి 5200Ah బిగ్ బ్యాటరీ ఇచ్చారు. ఇది 45W వైర్డు, 30W వైర్‌లెస్, 5W రివర్స్ వైర్‌లెస్ ఛార్జింగ్‌కు మద్దతు ఇస్తుంది. హ్యాండ్‌సెట్ IP64 డస్ట్, స్ప్లాష్-రెసిస్టెంట్ బిల్డ్‌ను కలిగి ఉంది. పరికరం కొలతలు 163.9×75.8×6.49mm. ఇక కనెక్టివిటీ కోసం.. ఈ పరికరంలో బ్లూటూత్, Wi-Fi, GPS, FM రేడియో, OTG, NFC, USB టైప్-C పోర్ట్ వంటి ఫీచర్లు అందించారు. భద్రత కోసం.. హ్యాండ్‌సెట్‌లో ఇన్-డిస్ప్లే ఫింగర్‌ప్రింట్ సెన్సార్ ఉంది. ఫోన్‌లో డాల్బీ అట్మోస్-బ్యాక్డ్ డ్యూయల్ స్పీకర్లు, IR బ్లాస్టర్ ఉన్నాయి.