SmartPhones: ప్రముఖ స్మార్ట్ ఫోన్ బ్రాండ్ వివో..వివో Y19s 5G స్మార్ట్‌ఫోన్‌ను ఇండియాలో లాంచ్ చేయడంతో తన బడ్జెట్-స్నేహపూర్వక Y-సిరీస్‌ను వివో విస్తరించింది. ఈ పరికరం బడ్జెట్ ధర వద్ద అద్భుతమైన పనితీరు, మంచి బ్యాటరీ బ్యాకప్, స్టైలిష్ డిజైన్‌ను అందిస్తుంది. ఎంట్రీ-లెవల్ విభాగంలో వివో Y19s 5G స్మార్ట్‌ఫోన్‌ ఇటీవల విడుదల చేసిన శామ్సంగ్ గెలాక్సీ M17 5Gతో పోటీ పడనుంది. మరి ఈ రెండు ఫోన్లలో ఏ ఫోన్ కొంటె బెస్ట్? రెండు ఫోన్‌ల ధర, ఫీచర్ల పరంగా తెలుసుకుందాం.
Vivo Y19s 5G
ఈ ఫోన్‌లో HD+ రిజల్యూషన్, 90Hz రిఫ్రెష్ రేట్, 700 nits గరిష్ట బ్రైట్‌నెస్‌కు మద్దతు ఇచ్చే 6.74-అంగుళాల LCD స్క్రీన్ ఉంది. దీని 6GBRAMతో జత చేశారు. ఈ పరికరం 6nm మీడియాటెక్ డిమెన్సిటీ 6300 చిప్ ద్వారా శక్తిని పొందుతుంది. ఇది ఆండ్రాయిడ్ 15 ఆధారంగా ఫన్ టచ్OS 15పై నడుస్తుంది. కెమెరా పరంగా చూస్తే..ఇది డ్యూయల్ రియర్ కెమెరా సెటప్‌ను కలిగి ఉంది. 13MP ప్రైమరీ కెమెరా, 0.8MP సెకండరీ కెమెరాను కలిగి ఉంది. ఇది 5MP ఫ్రంట్ లెన్స్‌తో వస్తుంది. బ్యాటరీ గురించి మాట్లాడితే.. ఈ ఫోన్ 15W వైర్డ్ ఛార్జింగ్‌కు సపోర్ట్ ఇచ్చే 6000mAh బ్యాటరీతో వస్తుంది.
Samsung Galaxy M17 5G
శామ్సంగ్ గెలాక్సీ M17 5G ఫీచర్ల విషయానికి వస్తే..ఈ ఫోన్ 1,100 nits గరిష్ట ప్రకాశంతో 6.7-అంగుళాల FHD+ సూపర్ అమోలేడ్ డిస్‌ప్లేను కలిగి ఉంది. ఇది ఎక్సినోస్ 1330 ప్రాసెసర్ ద్వారా శక్తిని పొందుతుంది. దీని 8GBRAM+128GB అంతర్గత నిల్వతో జత చేసారు. ఇది 50MP + 5MP అల్ట్రా-వైడ్, 2MP మాక్రో కెమెరాతో ట్రిపుల్ రియర్ కెమెరా సెటప్‌ను కలిగి ఉంది. రెండూ ఆప్టికల్ ఇమేజ్ స్టెబిలైజేషన్‌తో ఉంటాయి. దీనికి 13MP ఫ్రంట్ లెన్స్ ఉంది. ఈ పరికరం 25W వైర్డ్ ఛార్జింగ్‌కు మద్దతు ఇచ్చే 5,000mAh బ్యాటరీని కలిగి ఉంది.
ధరెంత?
వివో Y19s 5G స్మార్ట్ ఫోన్ 4GB + 64GB స్టోరేజీ వేరియంట్ ధర రూ.10,999గా, టాప్-ఎండ్ వేరియంట్ 6GB+128GB ధర రూ.13,499గా ఉంది. మరోవైపు, శామ్సంగ్ మోడల్ ధర 4GB + 64GB స్టోరేజీ వేరియంట్ ధర రూ.12,499గా, అలాగే 8+128GB RAM స్టోరేజీ వేరియంట్ ధర రూ.15,499 వరకు ఉంటుంది.
