WhatsApp cross-platform Feature : వాట్సాప్ యూజర్లకు మరో ఆసక్తికరమైన అప్‌డేట్ తీసుకొచ్చేసింది. మెటా కంపెనీకి చెందిన ఈ మెసేజింగ్ యాప్, ఇప్పుడు క్రాస్-ప్లాట్‌ఫాం చాటింగ్ ఫీచర్‌ను అందుబాటులోకి తీసుకొచ్చేస్తుంది.

ALSO READ: Harish Rao Comments : సీఎం రేవంత్‌ ఒక బ్లాక్‌మెయిలర్‌.. హరీష్‌ రావు సంచలన వ్యాఖ్యలు

వాట్సాప్ మాతృ సంస్థ మెటా తమ యూజర్స్ కోసం లేటెస్ట్ ఫీచర్ ను అందుబాటులోకి తీసుకువచ్చేస్తుంది. ఈ ఫీచర్ తో వాట్సాప్ యూజర్లు ఇతర మెసేజింగ్ యాప్‌ల్లో ఉన్న స్నేహితులతో నేరుగా చాట్ చేయొచ్చు. ఉదాహరణకు, టెలిగ్రామ్ లేదా సిగ్నల్ వంటి యాప్‌ల నుంచి సందేశాలు వాట్సాప్‌లోనే చూడొచ్చు. ఇది యూరోపియన్ యూనియన్‌లోని డిజిటల్ మార్కెట్స్ యాక్ట్ (DMA) నిబంధనలకు అనుగుణంగా రూపొందుతోంది.

ప్రస్తుతం ఈ ఫీచర్ ఆండ్రాయిడ్ బీటా వెర్షన్ 2.25.33.8లో టెస్టింగ్‌లో ఉంది. వాబీటా ఇన్ఫో వంటి సోర్సుల ప్రకారం, 2026లో యూరోప్‌లో మొదటిసారి విడుదల కావచ్చు. పూర్తి అమలు 2027కి సాధ్యమవ్వొచ్చు. మొదట్లో బర్డీచాట్, అరట్టై వంటి కొన్ని యాప్‌లతో మాత్రమే పని చేస్తుందని తెలుస్తోంది. తర్వాత మరిన్ని యాప్‌లకు విస్తరించే అవకాశం కనిపిస్తోంది. గ్రూప్ చాట్‌లు కూడా క్రాస్-ప్లాట్‌ఫాం అవ్వడానికి ప్రయత్నాలు జరుగుతున్నాయి. దీంతో బహుళ యాప్‌ల్లోని సభ్యులు ఒకే గ్రూప్‌లో మాట్లాడుకునే అవకాశం ఉంటుంది.

ఈ ఫీచర్‌ను ఎలా యాక్టివేట్ చేయాలి?

వాట్సాప్ సెట్టింగ్స్‌లోకి వెళ్లి, అకౌంట్ > థర్డ్-పార్టీ చాట్స్ ఆప్షన్‌ను ఆన్ చేయాలి. ఇక్కడ మీకు రెండు ఎంపికలు ఉంటాయి. కంబైన్డ్ ఇన్‌బాక్స్ లేదా సెపరేట్ ఇన్‌బాక్స్. మొదటిది ఎంచుకుంటే, వాట్సాప్ మరియు ఇతర యాప్‌ల సందేశాలు అన్నీ ఒకే చాట్ లిస్ట్‌లో కనిపిస్తాయి. రెండవది ఎంచుకుంటే, థర్డ్-పార్టీ సందేశాలు ప్రత్యేక ఫోల్డర్‌లో ఉంచబడతాయి. ఇది మీ సౌలభ్యానికి తగినట్టు మార్చుకోవచ్చు.

ఏమి పంపొచ్చు?

ఫోటోలు, వీడియోలు, వాయిస్ నోట్స్, డాక్యుమెంట్లు వంటి ఫైళ్లు సులభంగా షేర్ చేయొచ్చు. మీడియా అప్‌లోడ్ క్వాలిటీని కూడా ఎంచుకోవచ్చు. పుష్ నోటిఫికేషన్లు, ఇన్-అప్ అలర్ట్‌లు కూడా వస్తాయి, కాబట్టి సందేశాలు మిస్ కావు. కానీ, స్టేటస్ అప్‌డేట్స్, డిసప్పియరింగ్ మెసేజ్‌లు, స్టికర్లు వంటివి పంపలేము. ఇవి వాట్సాప్‌లోనే పరిమితం కానున్నాయి.

భద్రత పరంగా, అన్ని చాట్‌లకు ఎండ్-టు-ఎండ్ ఎన్‌క్రిప్షన్ ఉంటుంది. అంటే మీ సందేశాలు మార్గంలో ఎవరూ చూడలేరు. అయితే, ప్రతి యాప్‌కు వేర్వేరు డేటా ప్రొటెక్షన్ విధానాలు ఉండవచ్చని వాట్సాప్ హెచ్చరిస్తోంది. ముఖ్యంగా, ఈ ఫీచర్ పూర్తిగా ఆప్షనల్. నచ్చకపోతే ఎప్పుడైనా ఆఫ్ చేసుకోవచ్చు. ఇది వాట్సాప్‌ను మరింత బహుళ వేదికలపై పనిచేసే యాప్‌గా మారుస్తుంది, యూజర్లకు సౌకర్యం పెరుగుతుంది.

ఈ మార్పు ద్వారా మెసేజింగ్ ప్రపంచం మరింత కనెక్టెడ్‌గా మారనుంది. ఇప్పటికే బీటా యూజర్లు దీన్ని పరీక్షిస్తున్నారు. మీరు కూడా వాట్సాప్ అప్‌డేట్ చేసి చూడొచ్చు.