Xiaomi: చైనాలో షావోమి 17 సిరీస్ స్మార్ట్‌ఫోన్‌లతో షావోమి ప్యాడ్ 8 సిరీస్ కూడా లాంచ్ అయ్యాయి. ఈ లైనప్‌ లో షావోమి ప్యాడ్ 8, షావోమి ప్యాడ్ 8 ప్రో ఉన్నాయి. అయితే, ఈ కొత్త టాబ్లెట్‌లు గత సంవత్సరం లాంచ్ అయినా షావోమి ప్యాడ్ 7 లైనప్‌ను భర్తీ చేస్తాయి. ఈ రెండు టాబ్లెట్ లు స్నాప్‌డ్రాగన్ చిప్‌సెట్‌లతో శక్తిని పొందుతాయి. ఈ క్రమంలో వీటికి సంబంధించిన ధర, ఫీచర్ల గురించి వివరంగా తెలుసుకునే ప్రయత్నం చేద్దాం.

షావోమి ప్యాడ్ 8 ప్రో: ధర, ఫీచర్లు

కంపెనీ షావోమి ప్యాడ్ 8 ప్రో 8GB + 128GB స్టోరేజీ వేరియంట్ ధర CNY 2,999 (సుమారు రూ. 34,500)గా పేర్కొంది. 8GB+256GB స్టోరేజీ వేరియంట్ ధర CNY 3,099 (సుమారు రూ. 38,000)గా, 12GB + 256GB స్టోరేజీ వేరియంట్ ధర CNY 3,399 (సుమారు రూ. 42,700)గా, 12GB+512GB స్టోరేజీ వేరియంట్ ధర CNY 3,699 (సుమారు రూ. 46,000)గా, 16GB + 512GB స్టోరేజీ వేరియంట్ ధర CNY 3,899 (సుమారు రూ. 48,000)గా నిర్ణయించింది. అలాగే, షావోమి ప్యాడ్ 8 ప్రో సాఫ్ట్ లైట్ ఎడిషన్ ధర 12GB + 256GB మోడల్ ధర CNY 3,599 (సుమారు రూ. 44,600)గా వెల్లడించింది. 12GB + 512GB, 16GB + 512GB వేరియంట్‌ల ధర వరుసగా CNY 3,899 (సుమారు రూ. 48,600), CNY 4,099 (సుమారు రూ. 51,600)గా పేర్కొంది.

ఫీచర్ల విషయానికి వస్తే, షావోమి ప్యాడ్ 8 ప్రో 11.2-అంగుళాల 3.2K (2,136×3,200 పిక్సెల్స్) LCD డిస్ప్లేను కలిగి ఉంది. స్క్రీన్ 345ppi పిక్సెల్ సాంద్రత, 144Hz రిఫ్రెష్ రేట్, 800 nits పీక్ బ్రైట్‌నెస్ కలిగి ఉంది. ఇది తక్కువ నీలి కాంతి ఉద్గారానికి TÜV రీన్‌ల్యాండ్ సర్టిఫికేషన్‌ను కూడా కలిగి ఉంది. టాబ్లెట్ స్నాప్‌డ్రాగన్ 8 ఎలైట్ చిప్‌సెట్, అడ్రినో 8 GPU ద్వారా శక్తిని పొందుతుంది. ఈ టాబ్లెట్ 16GB వరకు RAM, 512GB వరకు నిల్వతో వస్తుంది. షావోమి ప్యాడ్ 8 ప్రో హైపర్ హైపర్‌ఓఎస్ 3 పై నడుస్తుంది. ఇక ఫోటోగ్రఫీ కోసం, ఇది 50-మెగాపిక్సెల్ వెనుక కెమెరా, 32-మెగాపిక్సెల్ ముందు కెమెరాను కలిగి ఉంది. కనెక్టివిటీ కోసం.. ఇందులో 5G, బ్లూటూత్ 5.4, Wi-Fi 7, USB టైప్-C పోర్ట్ ఉన్నాయి. ఇది సైడ్-మౌంటెడ్ ఫింగర్ ప్రింట్ సెన్సార్, డాల్బీ అట్మోస్ మద్దతుతో క్వాడ్ స్పీకర్లను కూడా కలిగి ఉంది. బ్యాటరీ విషయానికి గురించి మాట్లాడితే, ఈ టాబ్లెట్ 67W ఫాస్ట్ ఛార్జింగ్ మద్దతుతో 9,200mAh బ్యాటరీతో శక్తినిస్తుంది. దీని కొలతలు 251.22×173.42×5.75mm. దీని బరువు 485 గ్రాములు.

also read:Flipkart Sale: రూ.25 వేలకే ఇంటెల్ కోర్ i5 ప్రాసెసర్ ఉన్న ల్యాప్‌టాప్.. డోంట్ మిస్..

షావోమి ప్యాడ్ 8: ధర, ఫీచర్లు

కంపెనీ షావోమి ప్యాడ్ 8 8GB + 128GB స్టోరేజీ వేరియంట్ ధర CNY 2,199 (సుమారు రూ. 27,500)గా పేర్కొంది. 8GB + 256GB స్టోరేజీ వేరియంట్ ధర CNY 2,699 (సుమారు రూ. 27,700)గా,12GB + 256GB స్టోరేజీ వేరియంట్ ధర CNY 2,799 (సుమారు రూ. 30,600) వద్ద ఉంచారు, అలాగే షావోమి ప్యాడ్ 8 సాఫ్ట్ లైట్ ఎడిషన్ 8GB + 256GB, 12GB + 256GB స్టోరేజీ వేరియంట్ల ధరలు వరుసగా CNY 2,699 (రూ. 33,580)గా, CNY 2,999 (రూ. 37,317)గా నిర్ణయించారు.

ఫీచర్ల విషయానికి వస్తే.. షావోమి ప్యాడ్ 8 ప్రో వెర్షన్ మాదిరిగానే డిస్ప్లే, సాఫ్ట్‌వేర్‌ను కలిగి ఉంది. కానీ స్నాప్‌డ్రాగన్ 8s జెన్ 4 చిప్‌సెట్‌పై నడుస్తుంది. ఇది 12GB వరకు RAM, 256GB నిల్వను కలిగి ఉంది. ఫోటోగ్రఫీ కోసం, ఇది 13-మెగాపిక్సెల్ వెనుక కెమెరా, 8-మెగాపిక్సెల్ ముందు కెమెరాను కలిగి ఉంది. కనెక్టివిటీ ఎంపికలు ప్యాడ్ 8 ప్రో మాదిరిగానే ఉంటాయి. బ్యాటరీ గురించి మాట్లాడితే, ఇది 9,200mAh బ్యాటరీని కూడా కలిగి ఉంది. అయితే, ప్రో వెర్షన్‌లో అందించే 67W ఫాస్ట్ ఛార్జింగ్‌తో పోలిస్తే ఇది 45W వరకు ఛార్జింగ్ వేగాన్ని సపోర్ట్ చేస్తుంది.