Osman Sagar, Himayat Sagar Hyderabad: హైదరాబాద్‌ వ్యాప్తంగా గురువారం రాత్రి నుంచి కుండ‌పోత వానలు జనజీవనాన్ని అతలాకుతలం చేస్తున్నాయి. ఈ భారీ వ‌ర్షానికి జంట జ‌లాశ‌యాలు ఉస్మాన్ సాగ‌ర్, హిమాయ‌త్ సాగ‌ర్‌కు వ‌ర‌ద పోటెత్తింది. దీంతో ఈ రెండు జ‌లాశ‌యాలు నిండుకుండ‌లా మారి జలకళను సంతరించుకున్నాయి. 

Also Read: https://teluguprabha.net/telangana-district-news/hyderabad/state-government-will-take-over-hyderabad-metro-proposal/

ఈ క్ర‌మంలో హిమాయ‌త్ సాగ‌ర్ 4 గేట్లు ఎత్తి దిగువ‌కు నీటిని విడుద‌ల చేశారు. హిమాయ‌త్ సాగ‌ర్ ఇన్‌ఫ్లో 3 వేల క్యూసెక్కులు కాగా.. ఔట్ ఫ్లో 4,100 క్యూసెక్కులుగా ఉందని అధికారులు తెలిపారు. ఉస్మాన్ సాగ‌ర్ 10 గేట్లు ఎత్తివేయగా.. ఇన్‌ఫ్లో 4,500 క్యూసెక్కులు, ఔట్ ఫ్లో 7,096 క్యూసెక్కులుగా నమోదైంది. 

Also Read: https://teluguprabha.net/telangana-district-news/hyderabad/hyderabad-heavy-rains-traffic-police-work-from-home-advisory/

జంట జలాశయాల నుంచి నీటిని దిగువకు విడుదల చేయడంతో మూసీ న‌దికి వ‌ర‌ద ఉధృతి ఎక్కువైంది. వరద నేపథ్యంలో మూసీ ప‌రివాహ‌క ప్రాంత ప్ర‌జ‌లు అప్ర‌మ‌త్తంగా ఉండాల‌ని అధికారులు హెచ్చ‌రికలు జారీ చేశారు. ఈ క్రమంలో నార్సింగి, హిమాయ‌త్‌సాగ‌ర్ వ‌ద్ద స‌ర్వీస్ రోడ్డును మూసివేశారు. మంచిరేవుల – నార్సింగ్ మ‌ధ్య రాక‌పోక‌లు నిలిపివేశారు.