మహిళలు, పిల్లలు, వికలాంగులు వయోవృద్ధుల శాఖ, యూత్ ఫర్ జాబ్స్ స్వచ్ఛంద సంస్థ ఆధ్వర్యంలో నగరంలోని అంబేద్కర్ స్టేడియంలో శుక్రవారం నిర్వహించిన దివ్యాంగుల జాబ్ మేళాకు అనూహ్య స్పందన లభించింది.
17 కంపెనీల ఆధ్వర్యంలో జాబ్ మేళా
17 కంపెనీలకు చెందిన ప్రతినిధులు ఈ మేళాలో పాల్గొనగా 348 మంది దివ్యాంగులు ఉద్యోగం కోసం దరఖాస్తు చేసుకున్నారు. ఇందులో 165 మంది దివ్యాంగులు గ్రాడ్యుయేట్ పూర్తి చేసిన వారు. 102 మందిని వివిధ కంపెనీలలో పలు ఉద్యోగాలకు ఎంపిక చేశారు.
జిల్లా కలెక్టర్ పమేలా సత్పతి జాబ్ మేళాను సందర్శించారు. మేళాకు హాజరైన కంపెనీల ప్రతినిధులతో మాట్లాడి ఉద్యోగాల వివరాలను గురించి అడిగి తెలుసుకున్నారు. ఎంపిక విధానాన్ని పరిశీలించారు.
ఈ కార్యక్రమంలో ట్రైనీ కలెక్టర్ అజయ్ యాదవ్, జిల్లా సంక్షేమ అధికారి సబిత, యూత్ ఫర్ జాబ్స్ కోఆర్డినేటర్స్ మధుసూదన్ షాహిద్, జిల్లా పరిషత్ సీఈవో శ్రీనివాస్, ఉపాధి కల్పన అధికారి తిరుపతిరావు, వారధి మెంబర్ సెక్రటరీ ఆంజనేయులు, సిడిపిఓలు కస్తూరి, సుగుణ, శ్రీమతి, ఎఫ్ఆర్వో రఫీ పాల్గొన్నారు.
