జడ్చర్ల మున్సిపాలిటీ పరిధిలోని కావేరమ్మపేటలో డాక్ (ఐబి) బంగ్లా సమీపంలో 44వ జాతీయ రహదారి పక్కన ఉన్న శ్రీ బంగారు మైసమ్మ దేవాలయంలో శ్రీ బంగారు మైసమ్మ తల్లి దేవత విగ్రహ ప్రతిష్టాపన 9వ వార్షికోత్సవ వేడుకలను వైభవంగా జరుపుకున్నారు.
బంగారు మైసమ్మ తల్లి దేవత విగ్రహాన్ని ప్రతిష్టించి 9 సంవత్సరాలు పూర్తి కావడంతో వార్షికోత్సవ వేడుకలు ఘనంగా నిర్వహించారు. ఈ సందర్భంగా వేద పండితులు మొదటగా గణపతి పూజ, పుణ్యావచనం నిర్వహించి అమ్మవారికి పంచామృతాభిషేకం, కుంకుమార్చనతో పాటు ప్రత్యేక పూజలు నిర్వహించారు.
వార్షికోత్సవ ప్రత్యేక పూజలలో 9 వ వార్డు కౌన్సిలర్ చైతన్య చౌహన్ హాజరై అమ్మవారికి ప్రత్యేక పూజలు నిర్వహించారు. కార్యక్రమంలో దేవాలయ కమిటీ సభ్యులు గోనెల నరేందర్, గుండు చంద్రశేఖర్, గణాతే విజయ్ కుమార్, గుండు శ్రీశైలం, బుక్క శివ కుమార్, మిద్దె నాగరాజు, గోనెల నరేష్ రాఘవేణి దంపతులు, బుక్క రమేష్, జయ శ్రీవాత్సవ్, అనన్య, భక్తులు పవన్, తదితరులు పాల్గొన్నారు.