Agniveer| ఆర్మీలో ఉద్యోగాల కోసం ఎదురుచూస్తున్న నిరుద్యోగులకు ఆర్మీ రిక్రూట్మెంట్ బోర్డు శుభవార్త అందించింది. డిసెంబర్‌ 8 నుంచి 16 వరకు హైదరాబాద్‌లో ‘అగ్నివీర్’ రిక్రూట్మెంట్ ర్యాలీ నిర్వహించనున్నట్లు ప్రకటించింది. గచ్చిబౌలిలోని జీఎంసీ బాలయోగి స్టేడియంలో నియామక ర్యాలీ ఉంటుందని బోర్డు అధికారులు తెలిపారు. అగ్నివీర్ జనరల్ డ్యూటీ, టెక్నికల్, క్లర్క్ / స్టోర్ కీపర్ ట్రెడ్స్‌కు పదో తరగతి అర్హతగా ఉండాలని పేర్కొన్నారు. రిక్రూట్మెంట్ ప్రక్రియ పూర్తి పారదర్శకంగా ఉంటుందని స్పష్టం చేశారు. ఆసక్తి గల అభ్యర్థులు ఈ ర్యాలీలో పాల్గొనాలని సూచించారు.
ఇక తెలంగాణ, ఆంధ్రప్రదేశ్, తమిళనాడు, పుదుచ్చేరి రాష్ట్రాల నుంచి మహిళా మిలిటరీ పోలీస్ అభ్యర్థులు ఫిబ్రవరి 12, 2024 నాటి ర్యాలీ నోటిఫికేషన్ ప్రకారం ర్యాలీ జరిగే చోటుకి అన్ని డాక్యుమెంట్లను తీసుకురావాలని సూచించారురిక్రూట్‌మెంట్ ప్రక్రియ పూర్తి పారదర్శకంగా ఉంటుందని అధికారులు వివరించారు.
