తెలంగాణ ప్రభుత్వం ప్రతిష్టాత్మకంగా ప్రకటించిన గద్దర్ అవార్డుల్లో ఉత్తమ నటుడిగా ఐకాన్ స్టార్ అల్లు అర్జున్(Allu Arjun) ఎంపికైన సంగతి తెలిసిందే. తాజాగా గద్దర్ అవార్దు రావడంపై బన్నీ సంతోషం వ్యక్తం చేశారు. ఈమేరకు ఎక్స్ వేదికగా ట్వీట్ చేశారు.
- Advertisement -
“గద్దర్ ఫిల్మ్ అవార్డ్స్ 2024లో పుష్ప2 సినిమాకు గాను ఉత్తమ నటుడి అవార్డును అందుకోవడం గౌరవంగా భావిస్తున్నాను. ఇంతటి ప్రతిష్ఠాత్మకమైన గౌరవాన్ని అందించినందుకు తెలంగాణ ప్రభుత్వానికి హృదయపూర్వక ధన్యవాదాలు. ఈ అవార్డు దక్కడం వెనుక చిత్ర బృందం కృషి ఎంతో ఉంది. ఈ క్రెడిట్ అంతా నా దర్శకుడు సుకుమార్ గారికి, నా నిర్మాతలకు, మొత్తం పుష్ప బృందానికి చెందుతుంది. ఈ అవార్డును నా అభిమానులందరికీ అంకితం చేస్తున్నాను. మీ నిరంతర మద్దతు నన్ను ఎప్పుడూ ఉత్తేజపరుస్తూనే ఉంటుంది” అని బన్నీ వెల్లడించారు.
