Bio diesel Through Used Cooking Oil: పూరీలు, బోండాలు, బజ్జీలు, పకోడీలు లాంటి ఆయిల్‌ ఫుడ్స్‌ చేయాలంటే సాధారణంగా చాలా వంట నూనె అవసరం. అయితే వంట పూర్తయిన తర్వాత ఆ మిగిలిన నూనెను మళ్లీ ఉపయోగించకూడదు. అలా వాడినట్లయితే ఆరోగ్యానికి మంచిది కాదని మనందరికీ తెలుసు.. కానీ ఏ హోటళ్లు, రెస్టారెంట్లు ఈ నిబంధనను పాటించవు. అంతెందుకు గృహిణులు కూడా ఆ నూనెను పారబోసేందుకు మనసొప్పక మళ్లీ వంటలకు వాడుతుంటారు. అయితే ఇకపై మీకు ఆ సమస్య లేదు. ఒకసారి వాడిన వంట నూనెతో ఆదాయంతో పాటు బయో డీజిల్‌ను తయారు చేయవచ్చు. అదెలా అంటారా.. 

ఒకసారి వంట కోసం వినియోగించిన ఆయిల్‌ను మళ్లీ ఉపయోగించకుండా.. అలా అని పారబోయకుండా కేంద్ర ప్రభుత్వం గతంలోనే ఓ నిర్ణయం తీసుకుంది. వినియోగించిన లీటరు నూనెకు ఏకంగా రూ. 65 చెల్లిస్తోంది. ఇలా సేకరించిన వంట నూనెతో బయో డీజిల్‌ను తయారు చేస్తున్నారు. ఈ బయో డీజిల్‌ను వాహనాల్లో ఉపయోగించవచ్చు. ఈ విషయం తెలియక ఎన్నో రెస్టారెంట్లు, ముఖ్యంగా చిరు వ్యాపారస్తులు వంట నూనెను మళ్లీ మళ్లీ వాడుతూ ప్రజలను అనారోగ్యం పాలు చేస్తున్నారు. 

Also Read: https://teluguprabha.net/lifestyle/these-seeds-helps-in-to-reduce-bad-cholesterol-fast/

భారత ఆహార భద్రత, ప్రమాణాల సంస్థ(FSSAI) ‘ఈట్ రైట్’ అనే పథకంలో భాగంగా రుకో(రీపర్పస్ యూజ్డ్ కుకింగ్ ఆయిల్) ప్రాజెక్టును చేపట్టింది. ‘రుకో’ ద్వారా వాడేసిన వంట నూనెలను బయోడీజిల్​గా మార్చి, ప్రజల ఆరోగ్యాన్ని కాపాడేందుకు చర్యలు తీసుకుంది. ఈ రుకో కార్యక్రమాన్ని ఎడ్యుకేషన్​, ఎన్​ఫోర్స్​మెంట్, ఇకో సిస్టం నినాదంతో ‘ట్రిపుల్ ఈ’ పేరుతో నిర్వహిస్తున్నారు.

ఒకసారి వంట కోసం కాచిన నూనెను పదే పదే వినియోగిస్తే అనేక దుష్ప్రభావాలు.. అధిక రక్తపోటు, కాలేయ వ్యాధులు, క్యాన్సర్ లాంటి జబ్బులు సోకే ప్రమాదం ఉంది. ఈ ప్రమాదాన్ని నియంత్రించేందుకు ‘ఎఫ్​ఎస్​ఎస్​ఏఐ’ 2018లో ‘రుకో’ కార్యక్రమాన్ని ప్రారంభించింది. ఈ కార్యక్రమంలో భాగంగా రెస్టారెంట్లలో వంటల కోసం వినియోగించిన నూనెను సేకరించి, వాటిని బయోడీజిల్​గా మార్చేందుకు చర్యలు చేపట్టింది. ప్రస్తుతం ఈ ప్రాజెక్టు దేశంలోని 16 రాష్ట్రాల్లో అమలవుతుండగా.. తెలంగాణలో ఈ మధ్యే ప్రజల్లో అవగాహన కల్పిస్తున్నారు.

Also Read: https://teluguprabha.net/health-fitness/why-not-to-eat-brinjal-know-answer-from-experts/

ఇందుకోసం వైద్యారోగ్యశాఖ పరిధిలోని ఆహార భద్రత తనిఖీ విభాగం, జీహెచ్​ఎంసీ ఏజెన్సీలను నియమించారు. దాదాపు 500 రెస్టారెంట్ల నుంచి వేల లీటర్ల వాడిన నూనెను సేకరించి బయోడీజిల్ ప్లాంట్లకు తరలిస్తున్నారు. త్వరలోనే రాష్ట్ర వ్యాప్తంగా అన్ని జిల్లాల్లో ఈ రుకో కార్యక్రమాన్ని ప్రోత్సహించే దిశగా ప్రభుత్వం చర్యలు చేపడుతోంది. కాగా, వాడేసిన వంట నూనెను రీసైకిల్ చేసే బయోడీజిల్ ప్లాంట్లు ఇప్పటి వరకు హైదరాబాద్, వరంగల్ ప్రాంతాల్లో ఏర్పాటయ్యాయి.

అయితే రెస్టారెంట్లలో వాడిన నూనెలను ప్రభుత్వ లైసెన్స్​డ్ ఏజెన్సీలకు ఇవ్వాల్సి ఉంటుంది. ప్రతి లీటరుకు రూ. 65 చెల్లించి.. ఈ నూనెను బయోడీజిల్ ప్లాంట్లకు తరలిస్తారు. అయితే కనీసం 50 లీటర్ల నూనె ఉంటే ఏజెన్సీలే వచ్చి తీసుకెళ్తాయి. ఈ రుకో ప్రోగ్రాంలో చేరాలనుకునే హోటళ్లు, రెస్టారెంట్ల జీహెచ్​ఎంసీ ఫుడ్ సేఫ్టీ అధికారి భానును 83283 78502 నంబరులో సంప్రదించవచ్చని ఏజెన్సీ నిర్వాహకులు పేర్కొన్నారు.