రైతు భరోసా(Rythu Bharosa) విధివిధానాల రూపకల్పనపై సమావేశమైన కేబినెట్ సబ్ కమిటీ భేటీ ముగిసింది. ఈ సమావేశానికి డిప్యూటీ సీఎం మల్లు భట్టి విక్రమార్క(Bhatti Vikramarka), మంత్రులు తుమ్మల నాగేశ్వరరావు , పొంగులేటి శ్రీనివాస రెడ్డి , శ్రీధర్ బాబు హాజరయ్యారు. దాదాపు రెండు గంటల పాటు ఈ సమావేశం జరిగింది. ఇందులో ఎన్ని ఎకరాలకు రైతు భరోసా అమలు చేయాలనే విషయంపై చర్చ జరిగినట్లు సమాచారం. ముఖ్యంగా ట్యాక్స్ పేయర్లు, ప్రభుత్వ ఉద్యోగులను రైతు భరోసాకు అనర్హులుగా ప్రకటించాలనే నిర్ణయానికి వచ్చినట్లు తెలుస్తోంది. మరోసారి సమావేశం కావాలని నిర్ణయించారు.
కాగా రైతు భరోసా అమలు చేసేందుకు విధివిధానాలు రూపకల్పన చేసేందుకు డిప్యూటీ సీఎం భట్టి ఆధ్వర్యంలో కేబినెట్ సబ్ కమిటీని ప్రభుత్వం నియమించిన సంగతి తెలిసిందే. ఇప్పటికే ప్రతిపక్షాలు సహా పలువురు నిపుణులు, రైతుల సలహాలు ఈ కమిటీ స్వీకరించింది.
