చేగుంట మండల కేంద్రంలో జిల్లా పరిషత్ ఉన్నత పాఠశాలలో తెలంగాణ పిఆర్టియు వ్యవస్థాపక అధ్యక్షులు టిపిసిసి అధికార ప్రతినిధి కాంగ్రెస్ పార్టీ మేనిఫెస్టో కమిటీ మెంబర్ గాలి రెడ్డి హర్షవర్ధన్ రెడ్డి ఆధ్వర్యంలో జిల్లా పరిషత్ ఉన్నత పాఠశాల, ఆదర్శ పాఠశాల కస్తూర్బా పాఠశాలలో సభ్యత్వ నమోదు కార్యక్రమాన్ని చేపట్టారు. ఉపాధ్యాయుల నుంచి కూడా అపూర్వ స్పందన లభించింది, ఉపాధ్యాయులు సభ్యత్వాన్ని స్వీకరించారు. ఈ సందర్భంగా హర్షవర్ధన్ రెడ్డి మాట్లాడుతూ గత దశాబ్ద కాలంగా పరిష్కారానికి నోచుకోని ఎన్నో సమస్యలు ఉన్నాయని, తెలంగాణ రాష్ట్ర ముఖ్యమంత్రి రేవంత్ రెడ్డి ముఖ్యమంత్రిగా బాధ్యతలు స్వీకరించిన ఏర్పడినట్టే నూతన ప్రభుత్వం ఉపాధ్యాయుల సమస్యలను పరిష్కరించడానికి సానుకూలంగా ఉందని ఎన్నో ఏళ్లుగా నోచుకోని బదిలీలు ప్రమోషన్లు జరిపించారన్నారు.
సిపిఎస్ రద్దు, 2003 డీఎస్సీ ఉపాధ్యాయులకు పాత పెన్షన్ వర్తించే విధంగా ఉత్తర్వులు తెచ్చే బాధ్యత కూడా తనదేనని తెలిపారు. ఈ కార్యక్రమంలో రాష్ట్ర ప్రధాన కార్యదర్శి పర్వత సత్యనారాయణ రాష్ట్ర అసోసియేట్ అధ్యక్షులు ఓం ప్రకాష్ రాష్ట్ర ఉపాధ్యక్షులు గోపు లింబేష్ మెదక్ జిల్లా అధ్యక్షులు మెతుకు పరమేశ్వర్ రెడ్డి ప్రధాన కార్యదర్శి సందీప్ రెడ్డి జిల్లా మహిళా అధ్యక్షురాలు రజిత కార్యవర్గ సభ్యులు శంకర్ రెడ్డి తదితరులు పాల్గొన్నారు.
