రంగారెడ్డి జిల్లాలోని చిలుకూరు బాలాజీ(Chilkur Balaji Temple) ప్రధాన అర్చకులు రంగరాజన్ ఇంటిపై దాడి జరిగింది. ఈ దాడి ఘటన ఆలస్యంగా వెలుగులోకి వచ్చింది. వీరరాఘవ రెడ్డి అనే వ్యక్తి తన అనుచరులతో రంగరాజన్ ఇంట్లోకి చొరబడి బీభత్సం సృష్టించాడు. ఈ ఘటనసై ఆయన మొయినాబాద్ పోలీసులకు ఫిర్యాదు చేశారు.
- Advertisement -
శుక్రవారం రంగరాజన్ నివాసానికి వీరరాఘవ రెడ్డి అనుచరులతో కలిసి వెళ్లారు. రామరాజ్యం స్థాపనకు మద్దతివ్వాలని కోరారు. అందుకు ఆయన నిరాకరించడంతో వాగ్వాదానికి దిగి దాడికి పాల్పడ్డారు. అడ్డుకునేందుకు ప్రయత్నించిన అతని కుమారుడిపై కూడా దాడి చేశారు. ఈ దాడికి పాల్పడిన వారితో పాటు పరోక్షంగా వారికి సహకరించిన వ్యక్తులపై చట్టపరమైన చర్యలు తీసుకోవాలని రంగరాజన్ పోలీసుల ఫిర్యాదులో పేర్కొన్నారు. ఆయన ఫిర్యాదు మేరకు వీరరాఘవ రెడ్డిని అదుపులోకి తీసుకుని విచారిస్తున్నారు.
