Errabelli Dayakar Rao| తెలంగాణకు మళ్లీ ముఖ్యమంత్రిగా కేసీఆర్(KCR) వస్తారని మాజీ మంత్రి ఎర్రబెల్లి దయాకర్ రావు సంచలన వ్యాఖ్యలు చేశారు. వరంగల్‌లో నిర్వహించిన దీక్షా దివస్ (Diksha Diwas) సందర్భంగా ఆయన మాట్లాడుతూ.. త్వరలోనే దేశంలో ఒకేసారి జమిలి ఎన్నికలు (Jamili Elections) రాబోతున్నాయని జోస్యం చెప్పారు.
- Advertisement -
ఆ ఎన్నికల్లో కాంగ్రెస్ పార్టీకి ప్రజలు సరైన రీతిలతో బుద్ధి చెబుతారని.. కనీసం డిపాజిట్లు కూడా దక్కే పరస్థితి ఉండదని విమర్శించారు. కేసీఆర్ మళ్లీ సీఎంగా రాబోతున్నారని.. బీఆర్ఎస్ శ్రేణులు ఎవరూ అధైర్యపడొద్దని ధైర్యం చెప్పారు.
రాష్ట్రంలో ప్రభుత్వ పాఠశాలలు, వసతి గృహాల్లో ఫుడ్ పాయిజన్(Food Poison) ఘటనలు చోటుచేసుకుంటున్నా సీఎం రేవంత్ రెడ్డిలో ఏమాత్రం చలనం లేదని మండిపడ్డారు. పాలనను గాలికి వదిలేసి ఢిల్లీలో చక్కర్లు కొడుతున్నారని విమర్శించారు.
