Fire Accident| మేడ్చల్ మల్కాజ్‌గిరి జిల్లా(Medchal Malkajgiri District)లో భారీ అగ్ని ప్రమాదం జరిగింది. పూడూరు గ్రామంలో కాటన్ కార్పోరేషన్ ఆఫ్ ఇండియా(CCI) పత్తి నిల్వ గోదాంలో ఒక్కసారిగా మంటలు చెలరేగాయి. గోదాంలో భారీగా మంటలు ఎగిసిపడటంతో చుట్టుపక్కల ప్రాంతాలకు పొగలు వ్యాపించాయి. భారీగా మంటలు వ్యాపించడంతో గోదాం కుప్పకూలింది.
- Advertisement -
మంటలను గమనించిన కార్మికులు గోదాం నుంచి బయటకు పరుగు తీయడంతో ఎలాంటి ప్రాణనష్టం జరగలేదు. ఈ ప్రమాదంలో కోట్లాది రూపాయల నష్టం వాటిల్లిందని అధికారులు అంచనా వేస్తున్నారు. సమాచారం అందుకున్న అగ్నిమాపక సిబ్బంది సంఘటన స్థలానికి చేరుకుని ఫైరింజన్ల సాయంతో మంటలను ఆర్పే ప్రయత్నం చేశారు. పోలీసులు కేసు నమోదు చేసుకుని దర్యాప్తు చేస్తున్నారు.
