జమ్మికుంట పట్టణానికి సినీ హీరో సుమన్ ఓ సినిమా షూటింగ్ లో పాల్గొనేందుకు వచ్చిన సందర్భంగా ఆయనను చూసేందుకు అభిమానులు, పట్టణ ప్రజలు ఆసక్తిని కనబరిచారు. అమ్మ ప్రొడక్షన్ ఆధ్వర్యంలో నిర్మిస్తున్న ఓ చిత్రం షూటింగ్ లో పాల్గొనేందుకు జమ్మికుంట పట్టణానికి వచ్చిన సందర్భంగా అభిమానులు ఆయనకు టపాసులు కాలుస్తూ ఘన స్వాగతం పలికారు. ఈ సందర్భంగా సినీ హీరో సుమన్ స్థానిక అయ్యప్ప స్వామి ఆలయాన్ని దర్శించుకుని స్వామివారికి ప్రత్యేక పూజలు నిర్వహించారు. ఆలయ కమిటీ ప్రతినిధులు హీరో సుమన్ కు ఘన స్వాగతం పలికారు. ప్రత్యేక పూజలు నిర్వహించిన అనంతరం ఆయనకు తీర్థప్రసాదాలు అందజేశారు.
