రాష్ట్ర ముఖ్యమంత్రి కె చంద్రశేఖర్ రావు జన్మదినోత్సవ సందర్భంగా రాష్ట్ర హోం శాఖ మంత్రి మహ్మద్ మహమూద్ అలీ నాంపల్లి ప్రాంతంలోని యూసుఫైన్ దర్గాలో ప్రత్యేక ప్రార్థనలు చేశారు. వక్ఫ్ బోర్డు చైర్మన్ మహమ్మద్ మసీహుల్లా ఆధ్వర్యంలో ముఖ్యమంత్రి కల్వకుంట్ల చంద్రశేఖర్ రావు జన్మదినోత్సవం సందర్భంగా దర్గా వద్ద పూలమాలలు వేసి చాదర్‌లు వేసి ఫాతిహా పఠనం, ప్రార్థనలు నిర్వహించారు. ఈ సందర్భంగా ఇమామ్‌ మౌలానా సయ్యద్‌ హైదర్‌ పాషా జావేద్‌, మౌలానా షోయబ్‌లు కేసీఆర్, ఆయన కుటుంబ సభ్యులకు ఆయురారోగ్యాలతో ఉండాలని, దేశవ్యాప్తంగా బీఆర్ఎస్ అత్యున్నత విజయం సాధించాలని, తెలంగాణ అభివృద్ధి, ప్రజల సంక్షేమం కోసం ప్రార్థనలు చేశారు.
బంజారాహిల్స్ లోని తన క్వార్టర్ లో మహమూద్ అలీ మొక్కలు నాటారు.
