రాజన్న సిరిసిల్ల జిల్లా ఇల్లంతకుంట మండల కేంద్రంలో ప్రెస్ క్లబ్ భవన నిర్మాణం కోసం స్థానిక ఎమ్మెల్యే డాక్టర్ కవ్వంపల్లి సత్యనారాయణ స్థలం కేటాయించి, కొబ్బరికాయ కొట్టి భూమి పూజ చేశారు. ఈ సందర్బంగా ఆయన మాట్లాడుతూ ప్రజలకు, ప్రభుత్వానికి వారిధిలా వ్యవహరించే పాత్రికేయుల కోసం తమ ప్రభుత్వం ఎల్లవేళలా అండగా నిలుస్తుందని హామీ ఇచ్చారు. అనంతరం ప్రెస్ క్లబ్ సభ్యులు ఎమ్మెల్యే కవ్వంపల్లిని ఘనంగా శాలువాతో సత్కరించి ధన్యవాదములు తెలియజేశారు.

ఈ కార్యక్రమంలో ఎంపీపీ ఉట్కూరు వెంకటరమణారెడ్డి, యువజన సంఘ సభ్యులు, ప్రెస్ క్లబ్ ఉమ్మడి అధ్యక్షుడు తూముకుంట శ్రీనివాస్ రెడ్డి, యూనియన్ల అధ్యక్షులు మారుపాక అనిల్ కుమార్, బొల్లం పర్శరాం, సీనియర్ పాత్రికేయులు, యూనియన్ సభ్యులు, స్థానిక ప్రజాప్రతినిధులు తదితరులు పాల్గొన్నారు.