సూర్యాపేట బీఆర్ఎస్ అభ్యర్థిగా గుంటకండ్ల జగదీష్ రెడ్డి అట్టహాసంగా నామినేషన్ దాఖలు చేశారు. సూర్యాపేట ఆర్డీవో కార్యాలయంలో ఎన్నిక‌ల రిట‌ర్నింగ్ అధికారికి నామినేషన్ పత్రాలు అంద‌జేశారు. నామినేషన్ దాఖలు కంటే ముందు మంత్రి పలు ఆలయాలలో ప్రత్యేక పూజ‌లు చేశారు.
- Advertisement -
సూర్యాపేట నియోజకవర్గంలోని ఆయా గ్రామాల నుంచి పెద్దఎత్తున బీఆర్ఎస్ శ్రేణులు, నాయకులు, కార్యకర్తలు తరలివచ్చారు. సూర్యాపేట పట్టణం ఎటు చూసినా గులాబీమ‌యంగా మారింది.
అడుగ‌డుగునా ప్రజలు మంత్రి జగదీష్ రెడ్డి కి అపూర్వ స్వాగ‌తం ప‌లికారు. ఈ కార్యక్రమంలో ప‌లువురు బీఆర్ఎస్ నాయకులు పాల్గొన్నారు.
