తెలంగాణలో సంచలనం సృష్టించిన ఫోన్ ట్యాపింగ్ కేసు(Phone Tapping Case)లో కీలక పరిణామం చోటు చేసుకుంది. ఈ కేసులో విచారణకు హాజరుకావాలని కల్వకుర్తి మాజీ ఎమ్మెల్యే జైపాల్ యాదవ్‌కు పోలీసులు నోటీసులు ఇచ్చిన సంగతి తెలిసిందే. దీంతో ఆయన జూబ్లీహిల్స్ ఏసీపీ వెంకటగిరి ఎదుట విచారణకు హాజరయ్యారు. జైపాల్ యాదవ్ స్టేట్మెంట్ రికార్డ్ చేశారు. కాగా ఈ కేసులో ఇటీవల మాజీ ఎమ్మెల్యే చిరుమర్తి లింగయ్య(Chirumarti Lingaiah) విచారణకు హాజరైన విషయం విధితమే. ఆయన స్టేట్‌మెంట్‌ను కూడా రికార్డ్ చేశారు.
మరోవైపు ఈ కేసులో నకిరేకల్ కాంగ్రెస్ ఎమ్మెల్యే వేముల వీరేశం(Vemula Veeresham) కేటీఆర్‌పై సంచలన ఆరోపణలు చేశారు. గతంలో ఫోన్ ట్యాపింగ్ చేసింది, చేయించింది కేటీఆరేనంటూ బాంబు పేల్చారు. ఇదిలా ఉంటే ఈ కేసులో ప్రధాన నిందితుడుగా ఉన్న ఎస్ఐబి మాజీ చీఫ్ ప్రభాకర్ రావు అమెరికాలో శాశ్వత నివాసానికి వీలు కల్పించే గ్రీన్ కార్డు దక్కించుకున్నారు. దీంతో ఈ కేసు వ్యవహారం రోజుకో మలుపు తిరుగుతోంది.