Police| తెలంగాణ వ్యాప్తంగా గ్రూప్ 3 పరీక్షలు జరగుతున్న సంగతి తెలిసిందే. నిమిషం ఆలస్యమైనా అభ్యర్థులను పరీక్షా కేంద్రాల్లోకి అనుమతించలేదు. ఈ నేపథ్యంలో పరీక్షా కేంద్రాలకు వెళ్లేందుకు అభ్యర్థులు నానా తంటాలు పడ్డారు. ఈ క్రమంలోనే ఓ అభ్యర్థికి ట్రాఫిక్ సీఐ అందించిన సహాయం సోషల్ మీడియాలో వైరల్ అవుతోంది.
ఓ యువతి పరీక్ష కేంద్రం గుర్తించడంలో పొరబడింది. బాలానగర్‌లోని గీతాంజలి కాలేజీ పరీక్షా కేంద్రానికి వెళ్లాల్సిన ఆ యువతి.. పొరపాటున జీడిమెట్లలోని గౌతమి కాలేజి ఎగ్జామ్ సెంటర్‌కు వెళ్లింది. దీంతో విషయం తెలుసుకున్న ఖంగుతింది. దీంతో సరైన పరీక్షా కేంద్రానికి ఎలా వెళ్లాలో తెలియక తీవ్ర ఆవేదనతో ఉంది.
ఈ విషయం తెలుసుకున్న జీడిమెట్ల ట్రాఫిక్ సీఐ(Jedimetla CI) ఆ అభ్యర్థి పరిస్థితి అర్థం చేసుకుని మానవతా సహాయంతో ముందుకొచ్చారు. తన పోలీస్ వాహనంలో ఆమెను బాలానగర్ పరీక్షా కేంద్రానికి తీసుకెళ్లారు. దీంతో సమయానికి యువతి ఎగ్జామ్ సెంటర్‌కు వెళ్లి పరీక్ష రాసేందుకు వెళ్లింది. ఇందుకు సంబంధించిన వీడియో వైరల్ కావడంతో నెటిజన్లు ఆ సీఐని అభినందిస్తూ కామెంట్స్ చేస్తున్నారు. ఇది కదా ఫ్రెండ్లీ పోలీస్ అంటూ ప్రశంసలు కురిపిస్తున్నారు.