కరీంనగర్ పోలీసు కమిషనరేట్ లోని కేశవపట్నం పోలీస్ స్టేషన్ లో పనిచేస్తూ గుండెపోటుతో మృతి చెందిన హెడ్ కానిస్టేబుల్ కె.పరంధాములు కుటుంబానికి గురువారం కరీంనగర్ పోలీస్ కమీషనర్ ఎల్ సుబ్బరాయుడు ప్రభుత్వం మంజూరు చేసిన ఆర్థిక సహాయాన్ని అందజేశారు.
- Advertisement -
హెడ్ కానిస్టేబుల్ కె.పరంధాములు ఈ సంవత్సరం జూన్ 27న గుండెపోటుతో మృతి చెందారు. ప్రభుత్వం భద్రత పథకం కింద మంజూరు చేసిన 8 లక్షల రూపాయలు, కార్పస్ ఫండ్ 50 వేల రూపాయల ఆర్థిక సహాయాన్ని పోలీసు కమీషనర్ చెక్కుల రూపంలో ఆయన భార్య శ్యామల, ఇద్దరు పిల్లలకు అందజేశారు. ఈ కార్యక్రమంలో అడ్మినిస్ట్రేటివ్ అధికారి ముని రామయ్య, సీనియర్ అసిస్టెంట్ నల్లా వెంకటేశ్వర్ రెడ్డి,సెక్షన్ క్లర్క్ రహెన సుల్తానా తదితరులు పాల్గొన్నారు.
