కరీంనగర్ కలెక్టరేట్ ఎదుట తమ సమస్యల పరిష్కారం కోసం నిరవధిక సమ్మె చేస్తున్న జూనియర్, అవుట్ సోర్సింగ్ పంచాయతీ కార్యదర్శుల సమ్మె శిబిరాన్ని బిజెపి రాష్ట్ర నాయకులు అజయ్ వర్మ సందర్శించి వారికి సంఘీభావం తెలిపారు. ఈ సందర్భంగా ఆయన మాట్లాడుతూ పంచాయతీ కార్యదర్శులకు వెంటనే పర్మినెంట్ చేయాలని, వారి జీతాలు పెంచడంతో పాటు ఉద్యోగ భద్రత కల్పించాలని ప్రభుత్వాన్ని డిమాండ్ చేశారు. ఈ కార్యక్రమంలో జూనియర్ పంచాయతీ కార్యదర్శులు, నాయకులు వాసు, నాంపల్లి శ్రీనివాస్, అల్లావుద్దీన్, కొంకటి అనిల్ తదితరులు పాల్గొన్నారు.
