సీఎం కేసీఆర్ జన్మదినాన్ని పురస్కరించుకొని భారత జాగృతి ఆధ్వర్యంలో నిర్వహించనున్న ‘కేసీఆర్ కప్-2023’ రాష్ట్ర స్థాయి వాలీబాల్ టోర్నమెంట్ పోస్టర్ ను విడుదల చేశారు ఎమ్మెల్సీ కల్వకుంట్ల కవిత. ఫిబ్రవరి 15, 16 తేదీలలో హైదరాబాద్ లోని లాల్ బహదూర్ స్టేడియంలో మహిళలు, పురుషుల విభాగంలో వాలీబాల్ పోటీలు జరుగనున్నాయి. ఈ పోటీల్లో రాష్ట్ర వ్యాప్తంగా ఉన్న అన్ని జిల్లాల నుండి ‌క్రీడాకారులు పెద్ద ఎత్తున పాల్గొనాలని కోరారు. విజేతలకు 1,00,000 నగదు, ద్వితీయ బహుమతి రూ.75,000 నగదు, తృతీయ బహుమతిగా 50,000 నగదు అందించనున్నారు. దీంతోపాటు క్రీడాకారులకు ప్రోత్సాహక బహుమతులు అందించనున్నారు‌.