మహబూబాబాద్ పట్టణంలోని ఎమ్మెల్యే క్యాంపు కార్యాలయంలో మహబూబాబాద్ మండలం & టౌన్ కి చెందిన 23 మంది లబ్ధిదారులకు కళ్యాణ లక్ష్మీ & షాది ముబారక్ చెక్కులను, 20 మంది లబ్ధిదారులకు (3,86,000) సి.ఎం.రిలీఫ్ ఫండ్ చెక్కులను మహబూబాబాద్ శాసన సభ్యులు బానోత్ శంకర్ నాయక్ అందజేశారు. ఈ సందర్భంగా ఎమ్మెల్యే మాట్లాడుతూ ప్రతి పేద కుటుంబానికి మేలు జరగాలనే సంకల్పంతో బీఆర్‌ఎస్‌ ప్రభుత్వం అమలుచేస్తున్న ముఖ్యమంత్రి సహయ నిధి పథకంతో కార్పొరేట్‌ స్థాయిలో వైద్యం అందుతోందని అన్నారు.
ముఖ్యమంత్రి కేసీఆర్ సహాయంతో ఎంతో మంది పేద కుటుంబాలకు పెండ్లి భారం తగ్గిందని, ఆడపిల్లల తల్లితండ్రులు ఆర్థికంగా ఇబ్బంది పడవద్దు అనే ఉద్దేశ్యంతో సి.ఎం. కేసీఆర్ ఈ పథకాన్ని ప్రవేశ పెట్టారని అన్నారు. సీఎం కేసీఆర్ ప్రభుత్వం అన్ని వర్గాల ప్రజలకు సమాన ప్రాధాన్యత ఇస్తుందని, పనిచేసే ప్రభుత్వం వెనుక ప్రజలు ఉండి ఆశీర్వదించాలని అన్నారు.
ఈ కార్యక్రమంలో మున్సిపల్ చైర్మన్ డా.రామ్మోహన్ రెడ్డి, వైస్ చైర్మన్ ఫరీద్, గద్దె రవి, మర్నేని వెంకన్న, ఎం.డి.ఖాసీం, తేళ్ల శ్రీను, గోగుల రాజు, నాయిని రంజిత్,రాజశేఖర్, చిట్యాల జనార్దన్, సూదగని మురళి, రఘు,బాలు, భారాస నాయకులు తదితరులు ఉన్నారు.
