Nagajuna Sagar: నాగార్జున సాగర్ జలాశయానికి వరద పోటెత్తుతోంది. ఎగువ ప్రాంతాల నుంచి భారీగా వస్తున్న వరద ప్రవాహంతో అధికారులు 26 క్రస్ట్ గేట్లను ఎత్తి నీటిని దిగువకు విడుదల చేస్తున్నారు. జలాశయానికి 2.81 లక్షల క్యూసెక్కుల ఇన్‌ఫ్లో వస్తుండగా, దిగువకు 2.60 లక్షల క్యూసెక్కుల నీటిని విడుదల చేస్తున్నారు.
పూర్తిస్థాయి నీటిమట్టం 590 అడుగులకు గాను, ప్రస్తుతం 589.70 అడుగులకు చేరింది. సాగర్ పూర్తిస్థాయి నిల్వ సామర్థ్యం 312 టీఎంసీలు కాగా, ప్రస్తుతం 311.14 టీఎంసీల నీరు నిల్వ ఉంది. ఈ సీజన్‌లో 26 గేట్లు తెరవడం ఇది నాలుగోసారి. సాగర్ ఎడమ, కుడి కాల్వలతో పాటు జల విద్యుత్ కేంద్రానికి నీటి విడుదల కొనసాగుతోంది.
జలాశయం నిండుగా కళకళలాడుతూ కనువిందు చేస్తోంది. ఈ దృశ్యం చూపరులను మంత్రముగ్ధులను చేస్తోంది. పర్యాటకులు ఈ అద్భుత దృశ్యాన్ని తిలకించడానికి పెద్ద సంఖ్యలో వస్తున్నారు. జలాశయం గేట్లు ఎత్తడంతో సందర్శకులకు కొత్త ఉత్సాహం వచ్చింది. ప్రజలు ఈ అపురూప దృశ్యాన్ని చూసి ఆనందిస్తున్నారు. దీంతో అధికారులు అప్రమత్తంగా ఉంటూ భద్రత చర్యలు తీసుకుంటున్నారు. నదీ పరివాహక ప్రాంతాల ప్రజలను అప్రమత్తం చేశారు.
