రాజేంద్రనగర్ నియోజకవర్గం పరిధిలోని రాజేంద్రనగర్ డివిజన్లోని.. శివరాంపల్లి ప్రభుత్వ పాఠశాలలో మన ఊరు – మన బడి, మన బస్తీ మన బడి కార్యక్రమంలో 2.57 కోట్లు మంజూరైన మౌలిక వసతులు, అదనపు తరగతి గదుల పనులను విద్యా శాఖ మంత్రి సబితా ఇంద్రారెడ్డి, రాష్ట్ర ప్రణాళిక సంఘం చైర్మన్ బోయినపల్లి వినోద్ కుమార్ తో కలసి శంకుస్థాపన చేశారు.
స్థానిక ఎమ్మెల్యే ప్రకాష్ గౌడ్ కార్యక్రమాలలో ఎమ్మెల్యే మాట్లాడుతూ మాట్లాడుతూ… ఒక యజ్ఞంలాగా ముఖ్యమంత్రి కేసీఆర్ మన ఊరు- మన బడి,మన బస్తీ-మన బడి కి శ్రీకారం చుట్టారని కొనియాడారు. చాలా వరకు ప్రయివేటు పాఠశాలల్లో ఇంగ్లీషు మీడియం ఉండటంతో తల్లిదండ్రులు మొగ్గు చూపుతుండటంతో ముఖ్యమంత్రి కేసీఆర్ ప్రభుత్వ పాఠశాలల్లో ఈ సంవత్సరం నుండి ఆంగ్ల బోధనకు ఆదేశాలు ఇచ్చారనీ తెలిపారు. మన విద్యార్థులు ప్రపంచముతో పోటీ పడేలా తెలంగాణ విద్యార్థి ఎక్కడకు వెళ్లిన రాణించేలా తయారు కావాలన్నదే ముఖ్యమంత్రి కేసీఆర్ అభిమతమని ఆయన పేర్కొన్నారు. ఈ కార్యక్రమంలో జడ్పీ చైర్ పర్సన్ అనిత రెడ్డి , ట్రస్విడీసీ చైర్మన్ రావుల శ్రీధర్ రెడ్డి, కార్పొరేటర్ అర్చన జయప్రకాష్ , విద్యశాఖ ప్రిన్సిపల్ సెక్రెటరీ వాకాటి కరుణ , డైరెక్టర్ ఆఫ్ స్కూల్ ఎడ్యుకేషన్ శ్రీమతి దేవసేన, ఎంఈఓ రామ్ రెడ్డి, పార్టీ డివిజన్ అధ్యక్షుడు ధర్మారెడ్డి, పార్టీ సీనియర్ నాయకుల సుభాష్ రెడ్డి, ధర్మపాల్ రెడ్డి, నాయకులు, విద్యార్థులు తదితరులు పాల్గొన్నారు.
