జిల్లాలో పార్లమెంట్ ఎన్నికలు ప్రశాంతంగా జరిగేలా సహకరించాలని ఎస్పీ రూపేష్ చెప్పారు. సంగారెడ్డిలో ఎన్నికల బందోబస్తుకు వెళ్తున్న పోలీసులతో సమావేశం నిర్వహించారు. ఎన్నికలు ముగిసే వరకు పోలింగ్ బూత్ ల వద్ద అప్రమత్తంగా ఉండాలని సూచించారు. ఎలాంటి అవాంఛనీయ సంఘటన జరిగిన వెంటనే సమాచారం అందించాలని తెలిపారు.
- Advertisement -
ఎన్నికల డిస్ట్రిబ్యూషన్ కేంద్రాన్ని తనిఖీ చేసిన ఎస్పీ
సంగారెడ్డి పట్టణం అంబేద్కర్ మైదానంలో ఏర్పాటు చేసిన ఎన్నికల డిస్ట్రిబ్యూషన్ కేంద్రాన్ని ఎస్పి రూపేష్ ఆకస్మికంగా తనిఖీ చేశారు. ఈ కేంద్రం వద్ద ఏర్పాటు చేసిన బందోబస్తు గురించి అక్కడి పోలీసులను అడిగి తెలుసుకున్నారు. ఈవీఎంలు తరలించే వాహనాల వెంబడి కూడా పోలీసు బందోబస్తు ఏర్పాటు చేయాలని సూచించారు. ఆయన వెంట అదనపు ఎస్పీ సంజీవరావు ఉన్నారు.
