సీఎం రేవంత్ రెడ్డి(CM Revanth Reddy) అధ్యక్షతన అసెంబ్లీ కమిటీ హాలులో కేబినెట్ సమావేశం(Cabinet Meeting) ప్రారంభమైంది. ఆర్ధిక మంత్రి, డిప్యూటీ సీఎం మల్లు భట్టి విక్రమార్క (Bhatti Vikramarka) బడ్జెట్‌ను మంత్రివర్గంలో ప్రతిపాదించారు. ఈ సందర్భంగా బడ్జెట్‌పై మంత్రుల మధ్య ఆసక్తికర సంభాషణ జరిగింది. తన శాఖకు కొంచెం ఎక్కువ నిధులు కేటాయించాలని ఐటీ శాఖ మంత్రి శ్రీధర్ బాబు విజ్ఞప్తి చేశారు. అందుకు మీ శాఖ అంతా AIనే కదా అంటూ భట్టి చమత్కరించారు.

కేబినెట్ ఆమోదం అనంతరం బడ్జెట్‌ను భట్టి విక్రమార్క అసెంబ్లీలో ప్రవేశపెట్టనున్నారు. తెలంగాణలో కాంగ్రెస్ ప్రభుత్వం అధికారంలోకి వచ్చాక మొదటిసారి పూర్తి స్థాయి బడ్జెట్ ప్రవేశపెట్టనుండటంతో విపక్షాలతో పాటు ప్రజల్లోనూ ఆసక్తి నెలకొంది.