పోటీ పరీక్షల ఫలితాలను తెలంగాణ పబ్లిక్ సర్వీస్ కమిషన్(TGPSC ) వరుసగా విడుదల చేసింది. రెండు రోజుల క్రితం గ్రూప్ 1, మొన్న గ్రూప్ 2 ఫలితాను విడుదల చేసిన సంగతి తెలిసిందే. ఇక తాజాగా గత ఏడాది నవంబర్‌లో జరిగిన గ్రూప్ -3 ఫలితాలను(Group 3 Results) రిలీజ్ చేసింది. అభ్యర్థుల మార్కులతో పాటు జనరల్ ర్యాంకుల జాబితాను ప్రకటించింది. అలాగే, గ్రూప్-3 పరీక్ష తుది కీ, మాస్టర్‌ క్వశ్చన్‌ పేపర్లతో పాటు ఓఎంఆర్‌ షీట్లను డౌన్‌లోడ్‌ కోసం అధికారిక వెబ్‌సైట్‌ tspsc.gov.inలో అందుబాటులో ఉంచింది.
రాష్ట్రంలో 1,365 గ్రూప్-3 ఉద్యోగాలకు 5,36,400 మంది దరఖాస్తు చేసుకున్నారు. గతేడాది నవంబర్‌ 17, 18 తేదీల్లో మూడు పేపర్లుగా జరిగిన ఈ పరీక్షలకు కేవలం 50.24శాతం మంది మాత్రమే హాజరయ్యారు. జూనియర్ అసిస్టెంట్, ఎల్‌డీ స్టెనో, టైపిస్ట్, జూనియర్ స్టెనోగ్రాఫర్ పోస్టుల భర్తీకి గ్రూప్ 3 పరీక్షలు నిర్వహించారు. ఇక హాస్టల్‌ వెల్ఫేర్‌ ఆఫీసర్‌ పోస్టులకు నిర్వహించిన పరీక్షల తుది ఫలితాలను మార్చి 17న, ఎక్స్‌టెన్షన్‌ ఆఫీసర్‌ ఉద్యోగ పరీక్షల తుది ఫలితాలను మార్చి 19న ప్రకటించనున్నారు.
