Pawan Kalyan| ఏపీ డిప్యూటీ సీఎం పవన్ కళ్యాణ్ పేరు ప్రస్తుతం దేశ రాజకీయాల్లో మార్మోమోగుతున్న సంగతి తెలిసిందే. మహారాష్ట్ర అసెంబ్లీ ఎన్నికల ప్రచారంలో పవన్‌కు లభించిన ఆదరణతో హాట్ టాపిక్‌గా మారారు. అంతేకాకుండా ఆయన ప్రచారం చేసిన అన్ని నియోజకవర్గాల్లో బీజేపీ అభ్యర్థులు విజయం సాధించడంతో పవన్‌ను గేమ్ ఛేంజర్‌గా నెటిజన్లు కొనియాడుతున్నారు. ఈ క్రమంలోనే మహారాష్ట్ర సీఎం ప్రమాణ స్వీకారోత్సం కార్యక్రమంలో పాల్గొనాలని బీజేపీ పెద్దల నుంచి పిలుపు వచ్చింది.
మరోవైపు సోమవారం రాత్రి ఢిల్లీలో లోక్‌సభ స్పీకర్ ఓం బిర్లా కూతురు అంజలి వివాహా వేడుకకు పవన్ హాజరయ్యారు. ఈ కార్యక్రమానికి హాజరైన తెలంగాణ బీజేపీ ఎంపీలు కొండా విశ్వేశ్వర్ రెడ్డి, రఘునందన్ రావు పవన్ కళ్యాణ్‌తో కలిసి ఫొటో దిగారు. ప్రస్తుతం ఈ ఫొటో సోషల్ మీడియాలో వైరల్ అవుతోంది. ఇక ఈ కార్యక్రమానికి తెలంగాణ సీఎం రేవంత్ రెడ్డి(CM Revanth Reddy) కూడా హాజరయ్యారు.
