తెలంగాణ టీచర్ ఎలిజిబిలిటీ టెస్టు (TET) పరీక్షల హాల్ టికెట్లు విడుదలయ్యాయి. హాల్ టికెట్ల కోసం https://tstet2024.aptonline.in/tstet/ వెబ్‌సైట్‌ను సందర్శించాలని అధికారులు తెలిపారు. టెట్ పరీక్ష రాసేందుకు దరఖాస్తు చేసుకున్న అభ్యర్థులు వివరాలు నమోదుచేసి డౌన్‌ లోడ్ చేసుకోవచ్చని పేర్కొన్నారు. సాంకేతిక సమస్య వల్ల జనవరి 11వ తేదీన ఉదయం సెషన్, 20న ఉదయం, మధ్యాహ్నం సెషన్లకు హాజరయ్యే అభ్యర్థుల హాట్ టెకెట్లు రేపు (శనివారం) అందుబాటులోకి వస్తాయని విద్యాశాఖ వెల్లడించింది.
కాగా జనవరి 2 నుంచి 20 వరకు పరీక్షలు నిర్వహించనున్నారు. ఉదయం 9 నుంచి 11.30 గంటల వరకు.. మధ్యాహ్నం 2 నుంచి 4.30 గంటల వరకు పరీక్షలు జరగనున్నాయి. టెట్ పరీక్షలు రాసేందుకు మొత్తం 2,48,172 మంది అభ్యర్థులు దరఖాస్తు చేసుకున్నారు. పేపర్‌-1కు 71,655, పేపర్‌-2కు 1,55,971 దరఖాస్తులు వచ్చాయి. అభ్యర్థులకు ఏమైనా సందేహాలు ఉంటే 91 7075028882 / 85 నెంబర్లను సంప్రదించవచ్చని అధికారులు తెలిపారు.
