Today Rain In TG: రాష్ట్రం లోని పలు ప్రాంతాల్లో నేడు కూడా నిన్నటి లాగే తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణ శాఖ అధికారులు తెలిపారు. అలాగే ఉత్తర తెలంగాణలో నేడు భారీ వర్షాలు కురుస్తాయని పేర్కొన్నారు. ఉత్తర, మధ్య, తూర్పు తెలంగాణ జిల్లాల్లో గత రాత్రి అద్భుతమైన వర్షాలు కురిసాయని వెల్లడించారు. ప్రధానంగా ఆదిలాబాద్, నిర్మల్, ఆసిఫాబాద్, మంచిర్యాల, కామారెడ్డి, సిరిసిల్ల, కరీంనగర్, వరంగల్, హన్మకొండ, మహబూబాబాద్, భద్రాద్రి. కొన్ని చోట్ల భారీ వర్షాలు కురిసాయిని పేర్కొన్నారు. నేడు కూడా వర్షాలు కురిసే ప్రాంతాల్లో ప్రజలు అప్రమత్తంగా ఉండాలని కోరారు. ఇతర ప్రాంతాల్లో సాయంత్రం నుంచి రాత్రి వరకు అడపాదడపా వర్షాలు పడతాయని అన్నారు.
హైదరాబాద్ తో పాటు పరిసర ప్రాంతాల్లో వాతావరణం నిన్నటిలాగే మధ్యాహ్నం వరకు పొడిగా ఉంటుందని.. ఆ తర్వాత సాయంకాలం నుండి రాత్రి వరకు స్వల్ప వర్షాలు కురుస్తాయని వాతావరణ కేంద్రం తెలిపింది.
గత 24 గంటల్లో:
ఊహించినట్లుగానే కరీంనగర్, సిరిసిల్ల, సిద్దిపేట, మహబూబాబాద్, కామారెడ్డిలో సూపర్ వర్షాలు తదుపరి ఆన్ లైన్, హన్మకొండ, వరంగల్, భూపాలపల్లి, ములుగు, భద్రాద్రి – కొత్తగూడెం జిల్లాల్లో అర్ధరాత్రి వరకు మంచి వర్షపాతం నమోదైందని వాతావరణ శాఖ అధికారులు తెలిపారు.
కామారెడ్డి, సిరిసిల్ల, నిజామాబాద్ మీదుగా రాత్రి 8.45 గంటల తర్వాత భారీ వర్షపాతం కరీంనగర్‌ను ముంచెత్తింది. ఆ తరువాత రాత్రి 10 గంటల తర్వాత భూపాలపల్లిలోకి ప్రవేశించి.. జనగాం నుండి భారీ వర్షాలు వరంగల్, మహబూబాబాద్, ఖమ్మం మీదుగా మంచి వర్షపాతం నమోదైంది. వీటితో పాటు.. మంచిర్యాల, ఆసిఫాబాద్, జగిత్యాల, నిర్మల్, ఆదిలాబాద్‌లలో కూడా మోస్తరు వర్షాలు పడ్డాయి.
తెలంగాణలో జూన్ మొదటి వారంలోనే రుతుపవనాలు ప్రవేశించినప్పటికీ, వాటి ప్రభావం అంతగా లేదు. ప్రస్తుతం నెలకొన్న వాతావరణ పరిస్థితులు రుతుపవనాలు చురుకుగా మారడానికి అనుకూలంగా ఉన్నాయని వాతావరణ నిపుణులు చెబుతున్నారు. రాష్ట్రవ్యాప్తంగా వర్షాలు విస్తరించి, రైతాంగానికి ఉపశమనం కలిగించే అవకాశం ఉంటుందని ఇప్పటికే వాతావరణ కేంద్రం తెలిపింది.