TGPSC| తెలంగాణ వ్యాప్తంగా గ్రూప్-3(Group-3) పరీక్షలు ప్రారంభమయ్యాయి. అభ్యర్థులను పరీక్ష కేంద్రాల్లోకి అనుమతించే ముందు గుర్తింపు కార్డులను తనిఖీ చేసి పంపించారు. అయితే ఆలస్యంగా వచ్చిన అభ్యర్థులను మాత్రం అధికారులు అనుమతించలేదు. రాష్ట్రంలోని 1,365 గ్రూప్-3 సర్వీసుల పోస్టుల భర్తీకి రాతపరీక్షలు జరుగుతున్నాయి.
ఉదయం 10 నుంచి మధ్యాహ్నం 12.30 గంటల వరకు పేపర్‌-1 పరీక్ష.. మధ్యాహ్నం 3 నుంచి సాయంత్రం 5.30 గంటల వరకు పేపర్‌-2 పరీక్ష నిర్వహిస్తారు. ఇక రేపు అనగా నవంబర్ 18న ఉదయం 10 నుంచి మధ్యాహ్నం 12.30 గంటల వరకు పేపర్‌-3 పరీక్ష నిర్వహించనున్నట్లు టీజీపీఎస్సీ(TGPSC) అధికారులు వెల్లడించారు. గ్రూప్-3 పోస్టులకు పరీక్షలు రాసేందుకు రాష్ట్ర వ్యాప్తంగా మొత్తం 5.36 లక్షల మంది అభ్యర్థులు దరఖాస్తు చేసుకున్నారు. కాగా ఇటీవలే గ్రూప్ 1 మెయిన్స్ పరీక్షలు ముగిసిన సంగతి తెలిసిందే.