Group-4 Notification : తెలంగాణ రాష్ట్రంలోని నిరుద్యోగుల‌కు శుభ‌వార్త ఇది. గ‌త కొద్ది రోజులుగా ఎప్పుడెప్పుడా అని ఎదురుచూస్తున్న రోజు రానే వ‌చ్చింది. ఎట్ట‌కేల‌కు తెలంగాణ పబ్లిక్‌ సర్వీస్‌ కమిషన్ (టీఎస్‌పీఎస్‌సీ) గ్రూప్‌-4 ఉద్యోగాల‌కు నోటిఫికేష‌న్‌ను విడుద‌ల చేసింది. మొత్తం 9,168 ఉద్యోగాల‌ను భ‌ర్తీ చేయ‌నున్న‌ట్లు తెలిపింది. ఈ నెల(డిసెంబ‌ర్‌) 23 నుంచి జ‌న‌వ‌రి 12 వ‌ర‌కు ద‌ర‌ఖాస్తులు స్వీక‌రించ‌నున్న‌ట్లు వెల్ల‌డించింది. వ‌చ్చే ఏడాది ఏప్రిల్ లేదా మే నెల‌లో ప‌రీక్ష‌లు నిర్వ‌హించ‌నున్న‌ట్లు తెలిపింది.
- Advertisement -
ఈ నోటిఫికేష‌న్‌లో జూనియ‌ర్ అసిస్టెంట్‌, జూనియ‌ర్ అకౌంటెంట్, జూనియ‌ర్ ఆడిట‌ర్‌, వార్డ్ ఆఫీస‌ర్ పోస్టులు భారీగా ఉన్నాయి. పూర్తి వివరాల కోసం అభ్య‌ర్థులు tspsc.gov.in వెబ్‌సైట్‌లో చూడొచ్చు.
శాఖ‌ల వారీగా కొన్ని పోస్టుల వివ‌రాలు..
- అగ్రికల్చర్‌, కో ఆపరేటివ్ శాఖలో 44,
- పశు సంవర్ధక శాఖ, డైరీ డెవలప్ మెంట్‌లో 2,
- బీసీ వెల్ఫేర్‌లో 307,
- పౌర సరఫరాల శాఖలో 72,
- ఎన‌ర్జీ డిపార్ట్‌మెంట్‌లో 2,
- ఆర్థిక శాఖలో 255,
- అర్బన్ డెవల్మెంట్ లో 2,701
- ఉన్నత విద్యా శాఖలో 742
- రెవెన్యూ శాఖలో 2,077
- ఎస్సీ వెల్ఫేర్ లో 474
- లేబర్ డిపార్ట్మెoట్ లో 128
- ట్రైబల్ వెల్ఫేర్ లో 221
- హోమ్ శాఖలో 133
- పాఠశాల విద్యా శాఖలో 97
- పంచాయ‌తీ రాజ్ శాఖలో 1,245 ల‌కు నోటిఫికేష‌న్‌ను జారీ చేసింది.
