బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్(KTR)ను తిరుమల తిరుపతి దేవస్థానం(TTD) ఛైర్మన్ బీఆర్ నాయుడు మర్యాదపూర్వకంగా కలిశారు. హైదరాబాద్‌ నందినగర్‌లోని కేటీఆర్ నివాసానికి వెళ్లిన బీఆర్ నాయుడు దాదాపు 30 నిమిషాల పాటు ఆయనతో చర్చించారు.
- Advertisement -
ఈ సందర్భంగా బీఆర్ నాయుడును కేటీఆర్ సత్కరించి వెంకటేశ్వరస్వామి జ్ఞాపికను ఆందజేశారు. అనంతరం కేటీఆర్‌కు వెంకటేశ్వర స్వామి తీర్థప్రసాదాలు అందజేశారు. కేటీఆర్‌ను బీఆర్ నాయుడు కలవడం రాష్ట్ర రాజకీయాల్లో ప్రాధాన్యత సంతరించుకుంది. అయితే మర్యాదపూర్వకంగానే కలిశారని సన్నిహిత వర్గాలు చెబుతున్నారు.
