Gujarat Police: చిన్నారుల అక్రమ రవాణాపై గుజరాత్ పోలీసులు ఉక్కుపాదం మోపారు. తెలంగాణ వేదికగా సాగుతున్న చిన్నారి కిడ్నాప్ ఉదంతాన్ని ఛేదించేందుకు ‘ఆపరేషన్ దేవ్’ పేరుతో భారీ తనిఖీలు చేపట్టారు. కాగజ్నగర్లో అంతర్రాష్ట్ర కిడ్నాప్ ముఠాను అరెస్ట్ చేశారు.
ఏమిటీ ఆపరేషన్ దేవ్?: గుజరాత్లో నాలుగు ఏళ్ల ‘దేవ్’ అనే చిన్నారి కిడ్నాప్కు గురవ్వడంతో ఈ కేసు వెలుగులోకి వచ్చింది. ఈ కిడ్నాప్ వెనుక ఉన్న మూలాలను వెతుకుతూ గుజరాత్ పోలీసులు తెలంగాణకు చేరుకున్నారు. అత్యంత చాకచక్యంతో కూడిన ప్లాన్తో రంగంలోకి దిగారు. నిందితుల కదలికలపై నిఘా ఉంచి వారిని అదుపులోకి తీసుకున్నారు. ఈ ఆపరేషన్ ద్వారా చిన్నారి దేవ్ సురక్షితంగా బయటపడటంతో బాధితుడి కుటుంబ సభ్యులు ఊపిరి పీల్చుకున్నారు.
Also read-Jagtial: కేసీఆర్ నోట మళ్లీ ‘పుననిర్మాణం’ పదం.. అధికార మార్పుకు సంకేతమా?
మురగన్ గ్యాంగ్ అరెస్ట్: ఈ కేసులో ప్రధాన సూత్రధారిగా భావిస్తున్న మురగన్తో పాటు అతని ముఠాను పోలీసులు కాగజ్నగర్లో పట్టుకున్నారు. అరెస్టయిన వారిలో ముఠా నాయకుడైన మురగన్తో పాటు తిరుపతి, మల్లయ్య, గంగాధర్ అనే వ్యక్తులు ఉన్నారు. చిన్నారులను కిడ్నాప్ చేసి అక్రమ రవాణా చేయడంలో ఈ ముఠా ఆరితేరినట్లు పోలీసులు గుర్తించారు. కాగజ్నగర్ పరిసర ప్రాంతాల్లో ఆశ్రయం పొందుతున్న వీరిని సాంకేతిక ఆధారాలతో గుజరాత్ పోలీసులు కనిపెట్టారు. ఈ ముఠా వెనుక ఇంకా ఎవరైనా ఉన్నారా అనే కోణంలో పోలీసులు దర్యాప్తును కొనసాగిస్తున్నారు.