Mother and Children Suicide: సంగారెడ్డి జిల్లాలో విషాదకర సంఘటన చోటుచేసుకుంది. ముక్కుపచ్చలారని ఇద్దరు చిన్నారులకు విషమిచ్చి తానూ ఆత్మహత్యకు పాల్పడింది ఓ తల్లి. భర్త తోడు లేక సాకలేననే కారణమో మరే ఇతర కారణాలో ఆమెను ఈ కఠిన నిర్ణయం తీసుకునేలా ప్రేరేపించాయి.
- Advertisement -
సంగారెడ్డి జిల్లా కంది మండలం, జూలకల్ గ్రామంలో కన్న తల్లే ఇద్దరు చిన్నారులకు విషమిచ్చిన ఉదంతం చోటుచేసుకుంది. ఆపై ఆమె ఉరేసుకుని ఆత్మహత్యకు పాల్పడింది. గ్రామానికి చెందిన మమత(28)కు కుమారుడు మణికంఠ(5), కుమార్తె ప్రళయ(4)గా గుర్తించారు.
కాగా, ఈ ఏడాది జనవరిలో రోడ్డు ప్రమాదంలో మమత భర్త మృతి చెందాడు. దీంతో భర్త మరణాన్ని తట్టుకోలేక మమత ఈ కఠిన నిర్ణయం తీసుకున్నట్లు స్థానికులు చెబుతున్నారు. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.