Yadagirigutta: సీఎం రేవంత్ రెడ్డి నేడు యాదగిరిగుట్టలో పర్యటించనున్నారు. స్వామివారి దర్శనంతో పాటు పలు అభివృద్ధి పనులకు సీఎంం శంకుస్థాపనలు చేయనున్నారు. ముఖ్యమంత్రి పర్యటన నిమిత్తం ఆలయ అధికారులు, జిల్లా యంత్రాంగం ఇప్పటికే అన్ని రకాల ఏర్పాట్లను పూర్తి చేసింది.
- Advertisement -
సీఎం రేవంత్ రెడ్డి పర్యటన షెడ్యూల్ :
- ఉదయం 09:00 గంటలకు: హైదరాబాద్లోని బేగంపేట్ విమానాశ్రయం నుంచి హెలికాప్టర్లో బయల్దేరి యాదగిరిగుట్టకు చేరుకుంటారు.
- ఉదయం 09:15 గంటలకు: నేరుగా స్థానిక వేద పాఠశాలకు చేరుకున.. అక్కడ నిర్మించనున్న నూతన భవన నిర్మాణ పనులకు శంకుస్థాపన చేస్తారు.
- ఉదయం 10:00 గంటలకు: శ్రీ లక్ష్మీనరసింహ స్వామి వారి ఆలయానికి చేరుకుంటారు. ప్రత్యేక పూజలు నిర్వహించి స్వామివారిని దర్శించుకుంటారు.
- ఉదయం 10:30 గంటలకు: ఆలయ పరిధిలో ప్రస్తుతం జరుగుతున్న వివిధ పనుల గురించి ఉన్నతాధికారులతో కలిసి సమీక్షా సమావేశం నిర్వహిస్తారు.
- ఉదయం 11:15 గంటలకు: యాదగిరిగుట్ట పర్యటన ముగించుకుని తిరిగి హైదరాబాద్కు తిరుగుపయనం అవుతారు.
అధికారుల అప్రమత్తత: సీఎం పర్యటన నేపథ్యంలో యాదగిరిగుట్ట పరిసర ప్రాంతాల్లో భద్రతను కట్టుదిట్టం చేశారు. ఆలయ అభివృద్ధి పనుల సమీక్షలో ముఖ్యమంత్రి ఎలాంటి కీలక నిర్ణయాలు తీసుకోబోతున్నారనేది ఇప్పుడు ప్రాధాన్యత సంతరించుకుంది.