Minister Nara Lokesh: కలియుగ వైకుంఠం తిరుమల పుణ్యక్షేత్రాన్ని రాజకీయ ప్రయోజనాల కోసం వాడుకోవద్దని మాజీ సీఎం వైఎస్ జగన్‌మోహన్ రెడ్డిని రాష్ట్ర మంత్రి నారా లోకేశ్ హెచ్చరించారు. తిరుమలలో భక్తుల ముసుగులో అబద్ధాలు ప్రచారం చేయించే కుట్ర జరుగుతోందని ఆయన ఆరోపించారు.

భక్తులతో అబద్ధాలు చెప్పిస్తున్నారు!: క్యూలైన్లలో భక్తులతో అబద్ధాలు చెప్పిస్తున్నారని మంత్రి నారా లోకేశ్ ఆరోపించారు. తిరుమల క్యూలైన్లలో వేచి ఉన్న భక్తుల వద్దకు వెళ్లి అక్కడ ఏర్పాట్లు బాగోలేవని చెప్పించేందుకు కొందరు ప్రయత్నిస్తున్నారని లోకేశ్ మండిపడ్డారు. “భక్తులు స్వచ్ఛందంగా అన్ని ఏర్పాట్లు బాగున్నాయని చెబుతున్నప్పటికీ.. వారి అభిప్రాయాలను మార్చేలా ఒత్తిడి తీసుకురావడం దారుణం. దేవుడి విషయంలో ఇలాంటి నీచ రాజకీయాలు చేయడం తగదు” అని ఆయన హితవు పలికారు.

Also read-Viral: పవన్ కల్యాణ్ అన్నా.. నన్ను కాపాడండి: మస్కట్‌ నుండి తెలుగు మహిళ ఆర్తనాదాలు!

ఏపీ రాజకీయాలు మరింత వేడెక్కాయి: వీడియో విడుదల చేసిన లోకేశ్ ఈ వ్యవహారానికి సంబంధించి ఒక టీవీ ఛానల్ ప్రతినిధి భక్తులను ప్రభావితం చేయడానికి ప్రయత్నిస్తున్న దృశ్యాలను మంత్రి లోకేశ్ సోషల్ మీడియా వేదికగా షేర్ చేశారు. ఆ వీడియోలో క్యూలైన్లలో ఉన్న భక్తుల నుంచి ప్రతికూల సమాధానాలు రాబట్టేందుకు జరుగుతున్న ప్రయత్నాలను ఆయన ఎండగట్టారు. రాజకీయాల్లో హీట్.. తిరుమల లడ్డూ వ్యవహారం నుంచి మొదలైన వివాదం ఇప్పుడు దర్శన ఏర్పాట్లపై ఆరోపణల వరకు చేరడంతో ఏపీ రాజకీయాలు మరింత వేడెక్కాయి. ఒకవైపు కూటమి ప్రభుత్వం భక్తులకు మెరుగైన సౌకర్యాలు కల్పిస్తున్నామని చెబుతుండగా.. ప్రతిపక్ష వైఎస్ఆర్ కాంగ్రెస్ పార్టీ మాత్రం లోపాలను ఎత్తిచూపే ప్రయత్నం చేస్తోంది. ఈ క్రమంలో లోకేశ్ చేసిన వ్యాఖ్యలు మరియు విడుదల చేసిన వీడియో ఇప్పుడు రాష్ట్రవ్యాప్తంగా చర్చనీయాంశమయ్యాయి.