Fuel Prices Increased Again:దేశవ్యాప్తంగా సామాన్యుడిపై ఇంధన భారం మరింతగా పెరిగింది. అంతర్జాతీయ మార్కెట్‌లో ముడి చమురు ధరలు పెరగడంతో.. దేశీయ చమురు కంపెనీలు పెట్రోల్, డీజిల్ ధరలను మరోసారి పెంచుతూ నిర్ణయం తీసుకున్నాయి. తాజా సవరణ ప్రకారం.. లీటర్ పెట్రోల్‌పై 94 పైసలు, అలాగే లీటర్ డీజిల్‌పై 96 పైసలు మేర పెరిగాయి.
ఇటీవలి కాలంలో ఇంధన ధరలు పెరగడం ఇది మూడోసారి కావడం గమనార్హం.

ధరల పెంపునకు గల కారణాలు: పశ్చిమాసియా సంక్షోభం: పశ్చిమాసియాలో కొనసాగుతున్న ఉద్రిక్తతల కారణంగా అంతర్జాతీయ మార్కెట్‌లో క్రూడ్ ఆయిల్‌ ధరలు భారీగా పెరిగాయి. ప్రపంచవ్యాప్తంగా ధరలు పెరిగినప్పటికీ ప్రభుత్వ రంగ చమురు కంపెనీలు వారం క్రితం వరకు దేశీయంగా ధరలను స్థిరంగా ఉంచాయి. అయితే దీనివల్ల కంపెనీలు తీవ్ర ఆర్థిక నష్టాలను ఎదుర్కొంటుండటంతో భారాన్ని కొంతమేర వినియోగదారులపై వేయక తప్పలేదని అధికారులు పేర్కొంటున్నారు.

మూడోసారి లీటరుకు పెరిగిన ధరల వివరాలు:

• పెట్రోల్: 94 పైసలు పెంపు
• డీజిల్: 96 పైసలు పెంపు

ఆందోళనలో సామాన్యుడు: ఇటీవలి కాలంలో ఇంధన ధరలు పెరగడం ఇది మూడోసారి కావడంతో రవాణా ఖర్చులు పెరిగాయి. అయితే నిత్యావసర వస్తువుల ధరలపై దీని ప్రభావం పడే అవకాశం ఉందని సామాన్యులు ఆందోళన వ్యక్తం చేస్తున్నారు.