Ponnam Prabhakar slams BJP on BC caste census : బీజేపీ పూర్తిగా ‘బీసీల ద్రోహుల పార్టీ’ అని మంత్రి పొన్నం ప్రభాకర్ తీవ్రస్థాయిలో ధ్వజమెత్తారు. బీసీ కులగణన చేపడతామని ప్రగల్భాలు పలికిన బీజేపీ, నేటికీ ఆ హామీని నెరవేర్చకుండా పక్కనపెట్టడం పచ్చి మోసమని మండిపడ్డారు. బీసీ వర్గానికి చెందిన నేతను రాష్ట్ర అధ్యక్ష పదవి నుంచి అకస్మాత్తుగా తప్పించిన పార్టీకి, బీసీల హక్కుల గురించి మాట్లాడే కనీస నైతికత ఎక్కడుందని నిలదీశారు.
కేవలం ఎన్నికల లబ్ధి, రాజకీయ ప్రయోజనాల కోసమే కులగణన అంశాన్ని బీజేపీ వాడుకుంటోందని ఆరోపించారు. కాంగ్రెస్ ప్రభుత్వం బీసీలకు సముచిత న్యాయం చేసేందుకు చిత్తశుద్ధితో అడుగులు వేస్తుంటే, బీజేపీ మాత్రం కుట్రపూరిత రాజకీయాలు చేస్తోందని ఆయన స్పష్టం చేశారు.

