సిద్దిపేట, (తెలుగుప్రభ): ప్రజల సమస్యలను నేరుగా తెలుసుకుని, వాటి పరిష్కారానికి చర్యలు తీసుకునే లక్ష్యంతో సిద్దిపేట జిల్లాకు చెందిన రాష్ట్ర మంత్రి పొన్నం ప్రభాకర్ చేపడుతున్న “పల్లె పల్లెకు పొన్నం అన్న–పల్లె పల్లెలో ప్రజా పాలన” కార్యక్రమం ఈ నెల 6వ తేదీ నుంచి హుస్నాబాద్ నియోజకవర్గంలో కొనసాగనుంది. ఇందులో భాగంగా మంత్రి ఆయా గ్రామాల్లో విస్తృతంగా పర్యటించి ప్రజలతో నేరుగా సమావేశమై వారి సమస్యలను తెలుసుకోనున్నారు.

కోహెడ మండలంలో తొలి రోజు పర్యటన..

అక్టోబర్ 6న సిద్దిపేట జిల్లా కోహెడ మండలంలో మంత్రి పొన్నం ప్రభాకర్ పర్యటన సాగనుంది. ఉదయం 9 గంటలకు పరివేద, 10.30 గంటలకు నకిరేకొమ్ముల, మధ్యాహ్నం 12 గంటలకు శ్రీరాములపల్లి, 2.30 గంటలకు సీసీ పల్లి, సాయంత్రం 4 గంటలకు కాచాపూర్, 5 గంటలకు మైసంపల్లి గ్రామాల్లో పర్యటించనున్నారు.

చిగురుమామిడిలో రెండో రోజు..

అక్టోబర్ 7న కరీంనగర్ జిల్లా చిగురుమామిడి మండలంలో పర్యటన ఉంటుంది. ఉదయం 9 గంటలకు ముదిమాణిక్యం, 11 గంటలకు రామంచ, మధ్యాహ్నం 12.30 గంటలకు ముల్కనూర్, 3 గంటలకు పీచుపల్లి, సాయంత్రం 4 గంటలకు సీతారాంపూర్ గ్రామాల్లో మంత్రి ప్రజలను కలవనున్నారు.

సైదాపూర్ మండలంలో మూడో రోజు..

అక్టోబర్ 8న సైదాపూర్ మండలంలో పర్యటన కొనసాగుతుంది. ఉదయం 9 గంటలకు రాయికల్ తండా, 10.30 గంటలకు రాయికల్, మధ్యాహ్నం 12.30 గంటలకు బొమ్మకల్, 3 గంటలకు అమ్మనగుర్తి, సాయంత్రం 4.30 గంటలకు గుండ్లపల్లి గ్రామాల్లో మంత్రి పొన్నం ప్రభాకర్ పర్యటించనున్నారు.
గ్రామాల్లో పర్యటించే సందర్భంగా ప్రజల నుంచి నేరుగా సమస్యలను స్వీకరించి, స్థానికంగా ఉన్న సమస్యలు, అభివృద్ధి అవసరాలను తెలుసుకోనున్నారు. ప్రజా పాలనను క్షేత్రస్థాయికి తీసుకెళ్లడమే లక్ష్యంగా ఈ కార్యక్రమాన్ని నిర్వహిస్తున్నట్లు మంత్రి కార్యాలయం వెల్లడించింది.