Tamil Nadu CM Vijay: తమిళనాడు సీఎంగా బాధ్యతలు చేపట్టిన విజయ్.. సంచలన నిర్ణయాలతో దూసుకుపోతున్నారు. సామాజిక భద్రతే లక్ష్యంగా అధికారులకు కీలక ఆదేశాలు జారీ చేశారు. ప్రజల విజ్ఞప్తులను పరిగణలోకి తీసుకున్న విజయ్‌.. బహిరంగ ప్రదేశాల్లో ఉన్న మద్యం దుకాణాలను తక్షణమే తరలించాలని అధికారులను ఆదేశించారు.

విద్యా సంస్థలు, ఆలయాల వద్ద మద్యం దుకాణాలు రద్దు: విద్యా సంస్థలు, ప్రార్థనా మందిరాలతో పాటు బస్టాండ్లకు 500 మీటర్ల పరిధిలో ఉన్న ఏ ఒక్క మద్యం దుకాణం కూడా ఉండకూడదని సీఎం స్పష్టం చేశారు. 500 మీటర్ల పరిధిలో సుమారు 717 మద్యం షాపులు ఉన్నట్లు ప్రభుత్వం గుర్తించింది. దీంతో వెంటనే వాటిని అక్కడి నుంచి తరలించాలని ఆదేశించారు. ఈ ప్రక్రియ మొత్తాన్ని రెండు వారాల్లోపు పూర్తి చేయాలని అధికారులను ఆదేశించారు.