Delivery Agent Viral Video:ఆన్‌లైన్ ఆర్డర్‌లను వినియోగదారుల ఇళ్లకు చేరవేయడం సాధారణంగా బైక్ లేదా సైకిల్‌పై వచ్చే డెలివరీ ఏజెంట్ల ద్వారానే జరుగుతుంది. కానీ ఇటీవల సోషల్ మీడియాలో ఒక వింత వీడియో వైరల్ అవుతోంది. అందులో బ్లింకిట్‌కు చెందిన డెలివరీ ఏజెంట్ ఖరీదైన మహీంద్రా థార్ కారుతో వినియోగదారుడి ఇంటి ముందు సరుకులు అందించడం కనిపించింది. సాధారణంగా డెలివరీ కోసం అలాంటి లగ్జరీ కార్లు ఉపయోగించడం అసాధారణం కావడంతో ఆ వీడియో క్షణాల్లోనే వైరల్ అయ్యింది.
ఈ వీడియో ఎక్కడ, ఎప్పుడు రికార్డ్ అయ్యిందన్న స్పష్టమైన సమాచారం అందుబాటులో లేకపోయినా, ఇన్‌స్టాగ్రామ్‌లో ఇది చాలా ఫాస్ట్‌ గా వైరల్ అవుతోంది.. దివ్యాగ్రూవెజ్ అనే యూజర్ ఈ వీడియోను తన అకౌంట్‌లో షేర్ చేస్తూ, తాను ఆర్డర్ చేసిన సరుకులు బ్లింకిట్ డెలివరీ ఏజెంట్ ఒక థార్ కారులో వచ్చి అందించాడని తెలిపింది. తన పోస్ట్‌లో ఆమె సరదాగా క్యాప్షన్ జోడిస్తూ, డెలివరీ ఏజెంట్లు థార్ మెయింటెయిన్ చేయగలంత జీతం బ్లింకిట్ ఇస్తోందా లేకపోతే మహీంద్రా కంపెనీ ఇటీవల ధరలను తగ్గించిందా అన్న ప్రశ్నను లేవనెత్తింది.
Also Read:https://teluguprabha.net/career-news/telangana-green-energy-policy-to-generate-20000-mw-and-jobs/
థార్ కార్‌కి ఈఎంఐ..
వీడియో వైరల్ కావడంతో నెటిజన్లు పెద్ద ఎత్తున స్పందిస్తున్నారు. చాలామంది ఈ సంఘటనను హాస్యపూర్వకంగా చూస్తున్నారు. కొందరు ఆ ఏజెంట్ తన థార్ కార్‌కి ఈఎంఐ చెల్లించడానికి అదనపు ఉపాధి కోసం డెలివరీ పని చేస్తున్నాడేమోనని కామెంట్లు పెడుతున్నారు. మరికొందరు బ్లింకిట్ ప్రీమియం వెర్షన్ అని సరదాగా రాస్తుంటే, ఇంకొందరు మాత్రం ఇలాంటి పనులు సరదా కోసం చేస్తారని అభిప్రాయపడ్డారు.
ఖరీదైన SUVలో రావడం..
డెలివరీ ఉద్యోగం సాధారణంగా మోటార్‌సైకిల్ లేదా స్కూటర్‌తోనే జరుగుతుందని అందరికీ తెలుసు. కానీ ఖరీదైన SUVలో రావడం అందరి దృష్టిని ఆకర్షించింది. ఇది కేవలం డెలివరీ పనికి సంబంధించిన వీడియో అయినప్పటికీ, సోషల్ మీడియాలో వినోదం కలిగించే కంటెంట్‌గా మారింది. ఫన్నీ మీమ్స్, వ్యంగ్య కామెంట్లు ఈ వీడియోపై వరుసగా వస్తూనే ఉన్నాయి.
థార్ వాహనాన్ని…
వీడియోలో థార్ వాహనాన్ని చూసి ఆశ్చర్యపోయిన నెటిజన్లు ఒకరిపై ఒకరు జోకులు వేస్తూ తమ తమ అనుభవాలను పంచుకుంటున్నారు. కొందరు ఇలాంటి వీడియోలు డెలివరీ వృత్తిని మరింత వినోదాత్మకంగా చూపిస్తున్నాయని వ్యాఖ్యానిస్తున్నారు. ఈ వీడియో వైరల్ కావడంతో బ్లింకిట్ పేరు మళ్లీ సోషల్ మీడియాలో ట్రెండింగ్‌లోకి వచ్చింది.
View this post on Instagram
డెలివరీ ఛార్జీలు పెంచాల్సి..
ఈ వీడియో చుట్టూ తిరుగుతున్న చర్చల్లో కొందరు వినియోగదారులు డెలివరీ ఉద్యోగుల పరిస్థితులను ప్రస్తావిస్తూ వ్యాఖ్యలు చేస్తున్నారు. “ఇంత ఖరీదైన వాహనంలో వస్తే డెలివరీ ఛార్జీలు పెంచాల్సి వస్తుంది” అంటూ జోకులు వేస్తున్నారు. మరికొందరు ఇలాంటి వీడియోలు చూడటం సరదాగా ఉంటుందని పేర్కొంటున్నారు.
ప్రస్తుతం ఈ వీడియోపై ఇన్‌స్టాగ్రామ్‌లో లక్షలాది వీక్షణలు నమోదయ్యాయి. కేవలం కొన్ని గంటల్లోనే వేలాది కామెంట్లు, షేర్లు రావడం గమనార్హం. కొంతమంది డెలివరీ ఏజెంట్లను పొగుడుతూ “తమ ఉద్యోగం పట్ల వినూత్నంగా వ్యవహరిస్తున్నారు” అని రాస్తుంటే, ఇంకొందరు “బ్లింకిట్ ఇప్పుడు లగ్జరీ టచ్ ఇచ్చేస్తోంది” అంటూ హాస్యాస్పద వ్యాఖ్యలు చేస్తున్నారు.
