Snake video: సోషల్ మీడియాలో ప్రతిరోజూ వేలాది వీడియోలు వైరల్ అవుతుంటాయి. కానీ, కొన్ని వీడియోలు చూసినప్పుడు మాత్రం ఒళ్లు గగుర్పొడుస్తుంది. తాజాగా ఒక చిన్న పిల్లాడు ఏకంగా అత్యంత ప్రమాదకరమైన పాముతో ఆడుకుంటున్న వీడియో నెట్టింట సంచలనం సృష్టిస్తోంది.
ఏం జరిగిందంటే?
వైరల్ అవుతున్న వీడియో ప్రకారం.. ఒక పొలంలో సుమారు ఐదు అడుగుల పొడవున్న భారీ నాగుపాము ప్రత్యక్షమైంది. సాధారణంగా పామును చూస్తేనే పెద్దవాళ్లు సైతం ఆమడదూరం పరుగెత్తుతారు. కానీ, అక్కడ ఉన్న ఒక చిన్న పిల్లాడు మాత్రం ఏమాత్రం భయం లేకుండా ఆ పాము దగ్గరకు వెళ్లాడు.
ఆ పిల్లాడు చాలా చాకచక్యంగా, అనుభవం ఉన్న పాము పట్టుకునే వ్యక్తిలాగా ఆ కోబ్రా తోకను ఒంటిచేత్తో పట్టుకున్నాడు. పాము పలుసార్లు తనపైకి దాడికి వస్తున్నా ఆ పిల్లాడు అస్సలు భయపడలేదు. దానితో ఆడుకుంటూ, అటు ఇటు తిప్పుతూ అందరినీ ఆశ్చర్యపరిచాడు.
Also Read: Viral Video -విద్యార్థుల ప్రేమకు కన్నీళ్లు పెట్టుకున్న ట్యూషన్ టీచర్.. వైరల్ అవుతున్న వీడియో!
నెటిజన్ల రియాక్షన్
ఈ వీడియో చూసిన నెటిజన్లు రకరకాలుగా స్పందిస్తున్నారు. “వీడు పిల్లాడా లేక పాముల మంత్రగాడా?” అని కొందరు కామెంట్ చేస్తుంటే.. పాము ఒక్కసారి కాటు వేసినా ప్రాణానికే ప్రమాదమని, ఇలాంటి సాహసాలను ప్రోత్సహించకూడదని వన్యప్రాణి ప్రేమికులు హెచ్చరిస్తున్నారు. పాములు వంటి విషపూరిత జీవులతో ఇలాంటి ప్రయోగాలు చేయడం ప్రాణాపాయం. శిక్షణ లేని వ్యక్తులు, ముఖ్యంగా పిల్లలు ఇలాంటి పనులు చేయడం చట్టరీత్యా నేరం మరియు అత్యంత ప్రమాదకరం. ఇలాంటి వీడియోలను చూసి ఎవరూ అనుకరించవద్దని నిపుణులు సూచిస్తున్నారు.