Monkeys enjoying park slides video: సాధారణంగా పార్కుల్లో పిల్లలు జారుడు బల్లపై ఆడుకుంటూ కేరింతలు కొట్టడం మనం చూస్తుంటాం. కానీ ఒక పార్కులో మాత్రం సీన్ రివర్స్ అయింది. పిల్లలు లేని సమయం చూసి ఒక కోతుల గుంపు ఆ పార్కును ఆక్రమించేసింది. కేవలం ఆక్రమించడమే కాదు, అక్కడ ఉన్న జారుడు బల్లపై ఒకరి తర్వాత ఒకరు ఎంతో క్రమశిక్షణతో జారుతూ ఎంజాయ్ చేస్తూ కనిపించాయి. దీనికి సంబంధించిన వీడియో సోషల్ మీడియాలో వైరల్ గా మారింది.

వీడియోలో ఏముంది?
వైరల్ అవుతున్న ఈ వీడియోలో, ఒక కోతి జారుడు బల్ల పైకి ఎక్కి చకచకా కిందకు జారింది. అది కిందకు రాగానే, దాని వెనుకే ఉన్న మరో కోతి కూడా ఏమాత్రం ఆలస్యం చేయకుండా జారింది. ఇలా ఒకదాని తర్వాత ఒకటి పోటీ పడుతూ ఆడుకుంటున్న తీరు చూస్తుంటే, అవి మనుషులను గమనించి బాగా నేర్చుకున్నాయనిపిస్తోంది.

నెటిజన్ల కామెంట్స్
ఈ వీడియో చూసిన నెటిజన్లు రకరకాలుగా స్పందిస్తున్నారు. “వీటికి కూడా మనలాగే సరదాగా గడపాలని ఉంటుంది కదా!” అని ఒకరు కామెంట్ చేయగా.. “పాపం పిల్లలు రాకముందే వీటి ఆట ముగించేలా ఉన్నాయి” అని మరొకరు సరదాగా రాశారు. “కోతుల నుంచి మనుషులు వచ్చారని అంటారు.. అందుకేనేమో మన అలవాట్లు వీటికి వచ్చాయి” అంటూ నెటిజన్లు నవ్వుకుంటున్నారు. ప్రకృతిలో జంతువులు కూడా మనుషుల్లాగే వినోదాన్ని వెతుక్కుంటాయని చెప్పడానికి ఈ వీడియో ఒక చక్కని ఉదాహరణ.

Also Read: Viral Video -గుండెల్ని పిండేసే దృశ్యం.. బెడ్‌పై ఉన్న కూతురిని నవ్వించేందుకు తండ్రి ఏం చేశాడంటే?

కోతులు పార్కులో.. పిల్లలు ఫోన్లలో!
ఈ వీడియో చూస్తుంటే ఒక విచిత్రమైన పరిస్థితి అర్థమవుతోంది. బయట పార్కులో కోతులు మనుషుల్లాగే జారుడు బల్లలు ఎక్కుతూ, శారీరక శ్రమతో కూడిన ఆటలు ఆడుతూ ఎంజాయ్ చేస్తుంటే.. మన ఇంట్లోని పిల్లలు మాత్రం అందుకు విరుద్ధంగా తయారవుతున్నారు. వేల రూపాయలు పెట్టి కొన్న సైకిళ్లు, ఆటవస్తువులు మూలన పడి ఉంటున్నాయి. పార్కులు ఖాళీగా కనిపిస్తున్నాయి. ఎందుకంటే, నేటి తరం పిల్లలు పొద్దున్న లేచింది మొదలు రాత్రి పడుకునే వరకు స్మార్ట్‌ఫోన్లకే అతుక్కుపోతున్నారు. రోజంతా వీడియో గేమ్స్, సోషల్ మీడియా రీల్స్‌తో కాలక్షేపం చేస్తున్నారు. ప్రకృతితో గడపడం, చెట్లు ఎక్కడం, గ్రౌండ్లలో పరిగెత్తడం లాంటివి ఇప్పుడు కేవలం కోతులకే పరిమితమైనట్లు అనిపిస్తోంది.

Also Read: Viral -రైల్వే పోలీస్ పెద్ద మనసు.. రద్దీ రైల్లో నేలపై కూర్చున్న తల్లి, పిల్లల కోసం ఏం చేశాడంటే?