Bull Confronting Tractor on Road: సోషల్ మీడియాలో ఈ మధ్య జంతువులకు సంబంధించిన వీడియోలు తెగ వైరల్ అవుతున్నాయి. ఇందులో కొన్ని నవ్వు తెప్పించే విధంగా ఉంటే.. మరికొన్ని ఆశ్చర్యానికి గురిచేస్తున్నాయి. తాజాగా అలాంటి వీడియోనే ఒకటి నెట్టింట హల్ చల్ చేస్తోంది.
తరుచూ కుక్కలు, ఆవులు, గేదెలు వంటివి రోడ్లపై విచ్చలవిడిగా తిరుగుతూ ట్రాఫిక్ జామ్ కు కారణమవుతూ ఉంటాయి. కొన్నిసార్లు ఇవి మనుషులపై కూడా దాడికి తెగబడతాయి. ఈ ఘటనల్లో ఒక్కోసారి జనాలు గాయాలపాలవుతారు. తాజాగా ఓ ఎద్దు ట్రాక్టర్‌తో తలపడుతున్న దృశ్యం నెట్టింట వైరల్ గా మారింది. ఓ ట్రాక్టర్ రోడ్డుపై పయనిస్తూ ఉంటుంది. ఇంతలో దానికి ఎదురుగా ఎద్దు వస్తుంది. అతడు దానిని తప్పించడానికి ప్రయత్నిస్తాడు.
కానీ ఆ ఎద్దు పక్కకు తప్పుకోకుండా ఆ ట్రాక్టర్ తో పోట్లాడేందుకు సిద్దమవుతోంది. ఈ క్రమంలో తన కొమ్మలుతో ట్రాక్టర్ ను గుద్దుతుంది. డ్రైవర్ యాక్సిలరేటర్‌ను నొక్కి బండిని వెనక్కు మళ్లించినప్పటికీ ఆ ఎద్దు దానితో పోరాడుతోంది. దీంతో అతడు కూడా బండిని ముందుకు పోనిచ్చి దానిని గుద్దుతాడు. ఈ సీన్ చూస్తుంటే బాహుబలిలో రానా దున్నతో పోరాడింది గుర్తుకు వస్తుంది.
ఈ మెుత్తం దృశ్యాన్ని అక్కడున్న వారు వీడియో తీసి ఎక్స్ ఖాతాలో పోస్ట్ చేయడంతో వైరల్ గా మారింది. దీనిపై లైక్స్, కామెంట్స్ వర్షం కురుస్తుంది. ద్దు తాను బాహుబలి అనుకుంటోందని కొందరు.. ఈ ఎద్దు కోపంతో అలా చేసి ఉంటుందని మరొకరు కామెంట్ చేశారు. ఈ వీడియోను మూడు లక్షల మందికిపైగా వీక్షించారు. 26 సెకన్ల నిడివి మాత్రమే ఉన్న ఈ వీడియో ఇప్పుడు నెట్టింట ఓ రేంజ్ లో వైరల్ అవుతోంది. ఇందులో ఎద్దు తగ్గేదే లే అన్నట్లుగా పోరాడటం చూసి నెటిజన్స్ ఆశ్చర్యం వ్యక్తం చేస్తున్నారు.
Also read: Variety love story -83 ఏళ్ల వృద్ధురాలిని ప్రేమించిన 23 ఏళ్ల యువకుడు.. వీరు ఎలా కలిశారో తెలుసా?
