Indian Man Showcases Desi Food Items At Dallas Walmart: నేటి యువత చదువు కోసమో లేదా ఉద్యోగం కోసమో అగ్రరాజ్యం అమెరికా బాట పడుతున్నారు. భారీగా డబ్బు కూడబెట్టి తమ కలలు నెరవేర్చుకోవాలనుకునేవారికి అక్కడ నిత్యావసర వస్తువుల ధరలు చుక్కలు చూపిస్తున్నాయి. దీనికి సంబంధించిన ఓ వీడియో సోషల్ మీడియాను షేక్ చేస్తోంది.
అసలేం జరిగిందంటే..
అమెరికాలోని డల్లాస్ నగరంలో నివసిస్తున్న ఒక ప్రవాసీ భారతీయుడు అక్కడ ధరలకు సంబంధించిన వీడియోను ఇన్ స్టాలో పోస్ట్ చేశాడు. ఈ వీడియోను రజత్ అనే వ్యక్తి సోషల్ మీడియాలో షేర్ చేశాడు. అందులో డల్లాస్‌లోని వాల్‌మార్ట్ స్టోర్‌లో అందుబాటులో ఉన్న భారతీయ ఆహార ఉత్పత్తులను చూపించాడు. అతడు ఈ వీడియోలో పప్పులు, హల్దిరామ్స్ స్నాక్స్, పార్లే బిస్కెట్లు, మసాలా దినుసులు, సాస్‌లకు సంబంధించిన వస్తువులను చూపించాడు. పప్పు, నామ్‌కీన్ మరియు బిస్కెట్‌ల వంటి వస్తువుల ధరలు $4 నుండి $4.5 వరకు ఉన్నట్లు గుర్తించాడు.
ఇక్కడ మసూర్ పప్పు మరియు మూంగ్ పప్పు వంటి రాయల్ బ్రాండ్ పప్పులను ఒక్కొక్కటి దాదాపు 4 డాలర్లకు దొరుకుతాయి. హల్దిరామ్ కట్టా మీఠా నమ్కీన్, ఆలూ భుజియా కూడా దాదాపు $4కి దొరుకుతున్నాయి. పార్లే యొక్క హైడ్ & సీక్ బిస్కెట్లు దాదాపు 4.5 డాలర్లు పలుకుతున్నాయి. ఒక షెల్ఫ్‌లో పార్లే-జి, గుడ్ డే, బిర్యానీ మసాలా, తందూరీ మసాలా, బటర్ చికెన్ సాస్ మరియు అనేక ఇతర వస్తువులు ఉన్నాయి. డల్లాస్‌లో చాలా మంది భారతీయ కస్టమర్లు ఉన్నందున, వారి అవసరాలను తీర్చడానికి వాల్‌మార్ట్ ఈ ఉత్పత్తులను నిల్వ చేయాల్సి వస్తుందని రజత్ వీడియోలో చెప్పాడు. భారతదేశంతో పోలిస్తే ఇక్కడ ధరలు ఇంత ఖరీదైనవిగా ఉండటం అతడిని ఆశ్చర్యానికి గురిచేసింది.
Also Read: Viral Video – మెట్రోలో సీటు కోసం పొట్టు పొట్టు కొట్టుకున్న మహిళలు.. వీడియోఇదిగో!
డల్లాస్ లో భారతీయుల సంఖ్య అధికంగా ఉంటుంది. మన దేశంలో చౌకగా లభించే వస్తువులు అక్కడ అధిక ధరలకు కొనుగోలు చేయాల్సి రావడం పట్ల నెటిజన్స్ షాక్ కు గురవుతున్నారు. మన దేశంలో 20 రూపాయలు ఉండే బిస్కెట్ ధర అక్కడ 320 రూపాయల ఉండటం ఆశ్చర్యానికి గురిచేస్తుంది. మరోపక్క అర కిలో పప్పు ధర దాదాపు 400 రూపాయల పలకడం పట్ల అక్కడ మనవారి జీవితం ఎంత ఖరీదైనదో తెలుస్తోంది. కెనడాలో ఉంటున్న ఓ వ్యక్తి భారతీయ వస్తువులు కెనడాలో కంటే అమెరికాలో మరింత ఖరీదైనవని చెప్పారు.
Also read: Viral – యువతిని అసభ్యంగా తాకిన ఆలయ పూజారి.. వైరల్ గా మారిన వీడియో..
