Varun Tej Wedding Video| మెగా ప్రిన్స్ వరుణ్తేజ్(Varun Tej), హీరోయిన్ లావణ్య త్రిపాఠి(Lavanya Tripathi)ల వివాహం అయి ఏడాది పూర్తైంది. మొదటి పెళ్లి రోజు దినోత్సవరం సందర్భంగా తన సతీమణి లావణ్యకు పెళ్లి రోజు శుభాకాంక్షలు తెలియజేస్తూ స్పెషల్‌ ఫొటోను వరుణ్ పోస్ట్ చేశారు. మరోవైపు ఇదే సమయంలో ‘ది హౌస్‌ ఆన్‌ ది క్లౌడ్స్‌’ సంస్థ వరుణ్- లావణ్యల వెడ్డింగ్ వీడియోను విడుదల చేసింది. ఈ వీడియోలో మెగా కుటుంబసభ్యులు అందరూ సందడి చేశారు. ముఖ్యంగా మెగాస్టార్ చిరంజీవి, పవర్ స్టార్ పవన్‌ కల్యాణ్, గ్లోబల్ స్టార్ రామ్‌చరణ్, ఐకాన్ స్టార్ అల్లు అర్జున్‌ తదితరులు కనిపించారు. చరణ్‌తో బన్నీ..ఆర్ఆర్ఆర్ మూవీలోని నాటు నాటు పాటకు డ్యాన్స్‌ చేస్తూ ఫుల్ జోష్‌లో ఉన్నారు. ప్రస్తుతం ఈ వీడియో సోషల్ మీడియాలో వైరల్‌గా మారింది.
కాగా వరుణ్తేజ్- లావణ్య త్రిపాఠి కొద్ది సంవత్సరాలుగా ప్రేమించుకుంటూ గతేడాది నవంబర్ 1న ఇరు కుటుంబాల సమక్షలంలో వివాహ బంధంలోకి అడుగుపెట్టారు. 2023, నవంబర్ 1న ఇటలీలో వీరి డెస్టినేషన్ వెడ్డింగ్ ఘనంగా జరిగింది. ఈ విహహానికి మెగా, అల్లు కుటుంబసభ్యులతో పాటు ఇతర సినీ ప్రముఖులు కూడా హాజరై సందడి చేశారు.
ఇక వరుణ్ సినిమాల విషయానికొస్తే ‘మట్కా’ మూవీలో నటిస్తున్నాడు. ఇప్పటికే ఈ చిత్రం నుంచి విడుదలైన పోస్టర్లు, పాటలు ఆకట్టుకున్నాయి. ఈ సినిమాలో డాన్‌గా, గ్యాంబ్లర్‌గా వరుణ్ కనిపించనున్నాడని సమాచారం. ఇందులో వరుణ్ సరసన మీనాక్షి చౌదరి, ఐటమ్‌ సాంగ్‌లో నోరా ఫతేహి నటించారు. ఈ మూవీ నవంబర్ 14న ప్రేక్షకుల ముందుకు రానుంది.
